டாக்டர் வான் அசிசா வான் இஸ்மாயிலின் முன்னாள் உதவியாளர் ரோம்லி இஷாக்(Romli Ishak), நிதி அமைச்சகத்தின் கீழ் உள்ள அரசு நிறுவனமான Cyberview Sdn Bhd இன் புதிய தலைவராக நியமிக்கப்பட்டுள்ளார்.

ரோம்லி (மேலே) 2018 முதல் 2020 வரை துணை பிரதமராக இருந்தபோது வான் அசிசாவின் அரசியல் செயலாளராகப் பணியாற்றினார். இவர் நெகிரி செம்பிலான் மந்திரி பெசாரின் முதலீட்டு ஆலோசகராகவும் உள்ளார்.

தனது முகநூல் பதிவில், ரோம்லியின் சமீபத்திய நியமனத்திற்கு சைபர்வியூ வாழ்த்து தெரிவித்துள்ளது.

“கார்ப்பரேட் ஆளுமையில் ஏழு ஆண்டுகளுக்கும் மேலான அனுபவம் மற்றும் தொழில்நுட்ப தொழில்முனைவோராக 15 ஆண்டுகளுக்கும் மேலான அனுபவத்துடன், தொழில்முனைவோர் மற்றும் திறமை மேம்பாட்டிற்கான ரோம்லியின் ஆர்வம் அவரைத் தொழில்நுட்ப மற்றும் கண்டுபிடிப்பு துறையில் தேடப்படும் வழிகாட்டியாகவும் ஆலோசகராகவும் ஆக்கியுள்ளது,” என்று அது கூறியுள்ளது”.