அரசாங்கத்துடன் இணைக்கப்பட்ட நிறுவனங்கள் (ஜிஎல்சி) பெரிக்காத்தான்  நேஷனல் தலைவர் முகைதின் யாசின் ஆதரவாளர்களுக்கு சம்பளம் கொடுக்கும் ஏடிஎம் அல்ல என்று தேர்தல் சீர்திருத்தக் குழுவான பெர்சே அமைப்பு கண்டனம் தெரிவித்தது.

ஒரு அறிக்கையில், பெர்சே, இது நல்லாட்சிக்கு அவமானம் என்றும், ஒருவருடைய அரசியல் செயல்பாட்டாளர்களுக்கு “வெகுமதி” வழங்குவதற்கான அரச அதிகாரத்தை துஷ்பிரயோகம் என்றும் கூறியது.

“GLCக்கள் என்பது பொதுச் செல்வத்தைப் பாதுகாப்பதற்கும் வளர்ப்பதற்கும் இருக்கும் நிறுவனங்களாகும்.

“கட்சி விசுவாசிகளை மாநிலத்தின் சம்பளப் பட்டியலில் சேர்க்க அவை அரசியல் கட்சிகளின் ஏடிஎம்கள் அல்ல.”

“அவரது நோக்கத்தை வெளிப்படையாக அறிவித்து, சில குழுக்களின் ஆதரவைப் பெற இது போன்ற வாக்குறிதிகளை கண்டு நாங்கள் ஆச்சரியப்படுகிறோம்,” என்று பெர்சே அமைப்பு கூறியது.

மாநிலத் தேர்தல்களில் கூட்டணி வெற்றி பெற்றால், GLC களுக்கு அரசியல் நியமனங்கள் வழங்கப்படும் என்று முகைதினின் வெளிப்படையான வாக்குறுதிக்குப் பிறகு பெர்சே கருத்துரைத்தது.

இந்த வார தொடக்கத்தில், முகைதின் (மேலே) ஆறு தேர்தல் மாநிலங்களிலும் அரசாங்கத்தை அமைக்க PN தயாராக இருப்பதாகவும், மாநில GLC களின் தலைவர்கள் உட்பட நிர்வாக பதவிகளை ஒதுக்கீடு செய்துள்ளதாகவும் கூறினார்.

GLC களுக்கு அரசியல்வாதிகளை நியமிப்பதில் இருந்து எழும் சாத்தியமான பின்னடைவில், கூட்டணி அரசாங்கம் “அதே காரியத்தை” செய்கிறது என்று முகைதின் மேலும் கூறினார்.

இந்த “அரசியல் ஆதரவின்” வடிவம் துரதிருஷ்டவசமாக மலேசியாவின் அரசியல் கலாச்சாரத்தின் ஒரு பகுதியாக மாறிவிட்டது என்று பெர்சே அமைப்பு சாடுகிறது.