தொழில்நுட்பத்தைப் பயன்படுத்துவது தொடர்பான நெறிமுறை சிக்கல்களை நிவர்த்தி செய்யச் செயற்கை நுண்ணறிவுக்கான (Artificial Intelligence) ஒழுங்குமுறை கட்டமைப்பை நிறுவுவது குறித்து அரசாங்கம் ஆராய்ந்து வருவதாகத் தகவல் தொடர்பு மற்றும் டிஜிட்டல் அமைச்சர் ஃபஹ்மி ஃபாட்சில் கூறினார்.

கட்டமைப்பை நிறுவுவது புதிய தொழில்நுட்பத்தின் சில சவால்களைப் புரிந்துகொள்ள அரசாங்கத்திற்கு உதவும் என்று அவர் கூறினார்.

“இது ஒரு புதிய விஷயம் (தொழில்நுட்பம்), மேலும் சில சவால்களைப் புரிந்துகொள்ள எங்களுக்கு உதவ அரசாங்க நிறுவனங்கள் மற்றும் தொழில்துறையைச் சேர்ந்த நிபுணர்கள் எங்களுக்குத் தேவை. செயற்கை நுண்ணறிவு வேலைவாய்ப்புத் துறையில் தாக்கத்தை ஏற்படுத்தக்கூடும்”.

“பலர் இப்போது செயற்கை நுண்ணறிவு பயன்பாடுகளைப் பயன்படுத்தத் தொடங்கியுள்ளனர், எனவே தொழில்நுட்பத்தைப் பயன்படுத்துவதற்கான ஒழுங்குமுறை கட்டமைப்பை நிறுவ வேண்டியதன் அவசியத்தை அரசாங்கம் ஆராய வேண்டும்,” என்று அவர் கூறினார்.

இன்று பொதுத்துறை தின மலேசிய நிகழ்ச்சியில் சிறப்புரையாற்றிய பின்னர் செய்தியாளர்களிடம் பாஹ்மி கூறினார்.

செயற்கை நுண்ணறிவு என்பது பணிகளைச் செய்ய மனித நுண்ணறிவைப் பிரதிபலிக்கும் ஒரு தொழில்நுட்பமாகும், மேலும் அது சேகரிக்கும் தகவல்களின் அடிப்படையில் தன்னை மேம்படுத்த முடியும்.