நெகிரி செம்பிலான் மாநிலத் தேர்தலில் இளைய வேட்பாளரான முகமட் சியாகிர் ஃபித்ரி சாத்ரி(Muhammad Syakir Fitri Sadri), எந்தவொரு கட்சிக்கும் பினாமி என்பதை நிராகரித்துள்ளார்.
தற்போதைய அம்பங்கன் சட்டமன்ற உறுப்பினர் முகமட் தௌபெக் அப்த் கனியின் முன்னாள் உதவியாளரான 25 வயதான இவர், பரோய் மாநிலத் தொகுதியில் சுயேட்சையாகப் போட்டியிடுகிறார்.
PKR இன் பட்டியலிலிருந்து நீக்கப்பட்டதைத் தொடர்ந்து, வரவிருக்கும் தேர்தலில் சுயேட்சையாகப் போட்டியிடுவதாக தௌஃபெக் அறிவித்துள்ளார்.
தேர்தலில் நான் பங்கேற்பதற்கும், யாருக்கும், எந்தக் கட்சிக்கும் எந்தச் சம்பந்தமும் இல்லை. வாக்குகளைப் பிரிப்பதற்காக நான் அனுப்பப்பட்டதாகச் சிலர் நினைக்கலாம், ஆனால் நான் வெற்றி பெற போட்டியிடுகிறேன் என்பதை தெளிவுபடுத்த விரும்புகிறேன்.
இங்குப் போட்டியிடுமாறு என்னை யாரும் சொல்லவில்லை, என்னை யாரும் ஸ்பான்சர் செய்யவில்லை. நீங்கள் பதிவுகளைச் சரிபார்க்கலாம், நான் நண்பர்கள் மற்றும் குடும்பத்தினரால் அனுப்பப்பட்ட பணத்துடன் போட்டியிடுகிறேன்,” என்று நெகிரி செம்பிலான், செனாவாங்கில் உணர்ச்சிவசப்பட்ட சியாகிர் கூறியதை உத்துசான் மலேசியா மேற்கோள் காட்டியது.
அவரைப் பொறுத்தவரை, 61,000 வாக்காளர்களில் சுமார் 60% இருக்கும் பரோய் மாநிலத் தொகுதியின் மக்கள்தொகையைக் கருத்தில் கொண்டு, இளைஞர்களுக்கு அதிகாரம் அளிப்பதே அவர் போட்டியிட முடிவு செய்ததற்கான முக்கிய காரணம்.
ஆகஸ்ட் 12 அன்று, சியாகிர், பக்காத்தான் ஹராப்பானின் நோர்வானி அஹ்மத் (அமானா) மற்றும் பெரிக்காத்தான் நேசனலின் கமாரோல் ரிட்சுவான் முகமட் சின் (பாஸ்) ஆகியோருக்கு இடையிலான மும்முனை மோதலைப் பரோய் சந்திக்கும்.
