2024 ஆம் ஆண்டுக்கான வரவுசெலவுத்திட்டத்தின் கீழ் மாணவர்களுக்கு ஆரம்பகால பாடசாலை உதவிகளை வழங்குவதற்காக RM788.13 மில்லியன் ஒதுக்கப்பட்டுள்ளதாக கல்வி அமைச்சு தெரிவித்துள்ளது.

2024 வரவுசெலவுத்திட்டத்தின் கீழ் பள்ளி ஆரம்ப உதவியாக மொத்தம் RM788.13 மில்லியன் ஒதுக்கப்பட்டுள்ளது.

ஒரு மாணவருக்கு ரிம 150 என்ற நிலையில் சுமார் 5.25 மில்லியனுக்கும் அதிகமான மாணவர்கள் பயனடைவார்கள் என்று கல்வி அமைச்சகம் தெரிவித்துள்ளது.

“ஆரம்ப பள்ளிக்கல்வி உதவித்தொகை ஜனவரி 2024 முதல் பள்ளிகள் மூலம் வழங்கப்படும் மற்றும் மாணவர்களுக்கு பணமாக அல்லது அவர்களின் கணக்குகளில் வரவு வைக்கப்படும்,” என்று அமைச்சகம் இன்று ஒரு அறிக்கையில் தெரிவித்துள்ளது.

கடந்த வெள்ளிக்கிழமை தாக்கல் செய்யப்பட்ட 2024 பட்ஜெட்டில் பள்ளிக்கல்வி உதவித்தொகைக்கான ஒதுக்கீடு எதுவும் குறிப்பிடப்படாதது குறித்து சில தரப்பினர் கவலை தெரிவித்ததைத் தொடர்ந்து இந்த அறிக்கை வெளியிடப்பட்டது.

அமைச்சின் கூற்றுப்படி, ஆரம்பகாலப் பள்ளிக் கல்வி உதவியானது, பெற்றோர்கள் அல்லது பாதுகாவலர்களின் குழந்தைகளின் பள்ளித் தேவைகளைத் தயாரிப்பதில் அவர்களின் சுமையைக் குறைக்கும் வகையில் வழங்கப்படும்.

2024 பட்ஜெட் ஒதுக்கீடுகள் பற்றிய தகவலுக்கு, 2024 பட்ஜெட் வலைத்தளமான https://belanjawan.mof.gov.my/ms/ ஐப் பார்க்குமாறு பொதுமக்கள் கேட்டுக்கொள்ளப்பட்டனர்.