லிம் குவான் எங் (பிஎச்-பாகன்) காசாவில் உள்ள மோதலை அரசியலாக்கியதற்காக அஹ்மத் மர்சுக் ஷாரியை (பிஎன்-பெங்கலன் செபா) கடுமையாக சாடியுள்ளார்.
இன்று மக்களவையில், டிஏபி தலைவர் 2024 வழங்கல் மசோதா மீதான விவாத உரையின் தொடக்கத்தில் இஸ்ரேலிய ஆக்கிரமிப்பைக் கண்டித்துக்கொண்டிருந்தபோது, பாஸ் எம்பி குறுக்கிட்டார்.
பிராந்தியத்தில் சில நாடுகள் இஸ்ரேலுடன் நிற்கின்றன என்று கூறியதால் மர்சுக் கேள்வி எழுப்பினார். எனினும், அவர் எந்த நாட்டின் பெயரையும் குறிப்பிடவில்லை.
ஹோவர்ட் லீ (பிஎச்-இபோ திமோர்) முன்பு கட்சியின் சார்பாக நெருக்கடி பற்றி அறிக்கைகளை வெளியிட்டதால், “என்ன நடக்கிறது என்பதைப் மர்சுக் பின்தொடரவில்லை” என்று லிம் கூறினார்.
பாஸ் முன்பு அவ்வாறு செய்ததைக் குறிப்பிட்ட மர்சுக் அதிகாரபூர்வ அறிக்கையை வெளியிடுவது குறித்த தனது கேள்வியை லிம் புரிந்து கொண்டாரா என்று கேட்டார்.
“காசா விவகாரத்தில் அரசியல் செய்ய முயற்சிக்காதீர்கள். நடந்ததைக் கண்டிப்பதன் மூலம் நாங்கள் ஒரு நிலைப்பாட்டை எடுத்துள்ளோம்,” என்று லிம் கூறினார்.
“டிஏபி அறிக்கைகளை வெளியிட்டுள்ளது, இதை ஏன் அரசியலாக்க முயற்சிக்கிறீர்கள்? காசாவில் நடக்கும் கொடுமையை எதிர்ப்பதில் எங்களின் நேர்மையை கேள்வி கேட்க வேண்டாம்.” என்றார்.
“இஸ்ரேலுக்கு எதிராக நாங்கள் கேள்வி கேட்கும்போது, பாஸ்- இலிருந்து வரும் காலாவதியான சிந்தனை இதுவாகும். இது அதிக பிரசிங்கிதனமாகும்,” என்றார் லிம்.
