வெள்ளத் தணிப்பு திட்டங்களில் ஊழல் இல்லை, செலவு ரிம 11.8b ஆகக் குறைந்துவிட்டது – அமைச்சர்

இயற்கை வளங்கள் மற்றும் சுற்றுச்சூழல் அமைச்சர் நிக் நஸ்மி நிக் அஹ்மட் வெள்ளத் தணிப்பு திட்டங்களை வழங்குவதில் ஊழல் குற்றச்சாட்டுகளை மறுத்துள்ளார்.

திட்டங்களின் செலவுகள் ரிம16 பில்லியனுக்கும் அதிகமாக உயர்ந்துள்ளது என்று பெர்சத்து தலைவர் கூறியதற்கு மாறாகத் திட்டங்களின் செலவு கூடக் குறைந்துவிட்டது என்றார்.

“இந்த அரசாங்கம், ரிம 16.6 பில்லியன் அல்ல, நிதியமைச்சகத்தால் நிர்ணயம் செய்யப்பட்ட அனைத்து 33 திட்டங்களையும் ரிம 11.8 பில்லியனில் அபிவிருத்தி செய்ய உச்சவரம்பு ஒதுக்கீட்டுடன் முக்கியமான பகுதிகளுக்கு முன்னுரிமை அளிக்கும் உயர் முன்னுரிமை வெள்ளத் தணிப்புத் திட்டங்களுக்கான முன்மொழிவுகளை மதிப்பாய்வு செய்துள்ளது,” என்று அவர் இன்று ஒரு அறிக்கையில் தெரிவித்தார்.

முன்னதாக, வெள்ளத் தணிப்புப் பணிகளுக்காக முந்தைய அரசாங்கம் ரிம15 பில்லியன் ஒதுக்கியது.

இருப்பினும், கடந்த ஆண்டு நவம்பரில், தற்போதைய நிர்வாகம் முந்தைய அரசாங்கத்தால் நேரடி பேச்சுவார்த்தைமூலம் வழங்கப்பட்டதாகக் கூறப்படும் வெள்ளத் தணிப்பு திட்டங்களுக்கான 7 பில்லியன் ரிங்கிட் ஒப்பந்தங்களை நிறுத்தியது.

நேற்று, பெர்சது தகவல் குழு உறுப்பினர் பத்ருல் ஹிஷாம் ஷஹாரின், வெள்ளத் தணிப்புத் திட்டங்களை வழங்குவதில் பெரும் பின்னடைவுகள் இருப்பதாகக் குற்றம் சாட்டினார், இதனால் செலவுகள் ரிம16.6 பில்லியனாக அதிகரித்தன என்றார்.

தவறான கூற்றுகள்

பத்ருல் ஹிஷாமின் கூற்றுக்கள் – தீங்கிழைக்கும் மற்றும் ஆதாரமற்றவை என்று நிக் நஸ்மி கூறினார்.

“செகுபார்டின் குற்றச்சாட்டுகள் அடிப்படையற்றவை மற்றும் அரசாங்கத்தின் கொள்முதல் செயல்முறையை அவர் புரிந்து கொள்ளவில்லை என்பதைக் காட்டுகிறது,” என்று அவர் கூறினார்.

பத்ருல் ஹிஷாம் ஷஹாரின்

இந்த ஆண்டு கிட்டத்தட்ட அனைத்து வெள்ளத் தணிப்பு திட்டங்களும் இன்னும் டெண்டர் நடைமுறையில் உள்ளன, 19 விருதுக் கடிதங்கள் (letters of award) மட்டுமே வழங்கப்பட்டன.

ஒதுக்கப்பட்ட வளர்ச்சிச் செலவில் எந்தச் செலவும் இல்லை என்றார்.

மேலும், வெள்ளத் தணிப்பு திட்டங்கள், நிதி அமைச்சகம் மற்றும் கொள்முதல் வாரியத்தால் மேற்பார்வையிடப்படும் வெளிப்படையான கொள்முதல் செயல்முறையின் மூலம் மேற்கொள்ளப்படுகின்றன, கொள்முதல் செயல்பாட்டில் தான் ஈடுபடவில்லை என்றும் கூறினார்.

“தீய அவதூறுகளை நான் வன்மையாக மறுக்கிறேன், விரைவில் அவருக்கு (பத்ருல் ஹிஷாம்) எதிராகச் சிவில் நடவடிக்கை எடுப்பேன்,” என்று அமைச்சர் கூறினார்.