கோலாலம்பூரில் உள்ள இல்ஹாம் டவர் சமீபத்தில் கைப்பற்றப்பட்டது, இது முன்னாள் நிதியமைச்சர் டைய்ம் ஜைனுதீனுக்கு எதிரான ஊழல் மற்றும் பணமோசடி குற்றச்சாட்டுகள் தொடர்பான விசாரணையுடன் தொடர்புடையது என்பதை, ஊழல் தடுப்பு ஆணையம், எம்ஏசிசி, உறுதிப்படுத்தியுள்ளது.

Utusan Malaysia இன் கூற்றுப்படி, எம்ஏசிசி  தலைவர் ஆசம் பாக்கி-யை தொடர்பு கொண்டபோது இந்த விஷயத்தை உறுதிப்படுத்தினார், ஆனால் வழக்கு பற்றிய கூடுதல் விவரங்களை வெளியிட மறுத்துவிட்டார்.

“ஊழல் மற்றும் அதிகார துஷ்பிரயோகம் தொடர்பான குற்றச்சாட்டுகளை நாங்கள் விசாரிக்கும் போது, அசையா சொத்துக்கள் சம்பந்தப்பட்ட வழக்கில், சொத்தை பறிமுதல் செய்ய துணை அரசு வழக்கறிஞரிடம் (டிபிபி) விண்ணப்பிக்க சட்டப்பூர்வமாக அனுமதிக்கப்படுகிறோம்.

“அதுதான் (இந்த விஷயத்தில்) நடந்தது. DPP இன் அதிகாரத்தின் கீழ் தான், சொத்தின் மீது ஒரு எச்சரிக்கையை வைக்க நில அலுவலகத்திற்கு நாங்கள் உத்தரவிட்டோம், ”என்று அவர் கூறினார்.

மூன்று நாட்களுக்கு முன்பு, டாக்டர் மகாதீர் முகமதுவின் நெருங்கிய சகாவான டைய்மின் குடும்பத்திற்குச் சொந்தமான இல்ஹாம் டவர் என்ற உயர் வணிக மதிப்பு கட்டிடத்தை MACC கைப்பற்றியதாகத் தெரிவிக்கப்பட்டது.

சேனல் நியூஸ் ஏசியாவின் கூற்றுப்படி, டைய்ம் தனது மற்றும் தனது குடும்பத்தினரின் சொத்து விபரங்களை வெளியிட MACC இன் கோரிக்கைகளுக்கு இணங்க மறுத்ததை அடுத்து இந்த நடவடிக்கை வந்தது.

நவம்பர் 1997 இல் RM2.3 பில்லியன் மதிப்புள்ள கார்ப்பரேட் பரிவர்த்தனை தொடர்பாக மே மாத இறுதியில் தொடங்கிய பணமோசடி தடுப்பு விசாரணையுடன் இந்த பறிமுதல் இணைக்கப்பட்டுள்ளது.

சம்பந்தப்பட்ட பரிவர்த்தனை பங்குச்சந்தையில் பட்டியலிடப்பட்ட Renong Bhd மற்றும் United Engineers Malaysia Bhd (UEM) ஆகியவை சம்பந்தப்பட்டதாக கூறப்படிகிறது.

இன்று காலை ஒரு தனி அறிக்கையில், Utusan Malaysia ஆதாரங்களை மேற்கோள் காட்டி, MACC வெளிநாட்டு ஹோட்டல் மற்றும் ஒரு வங்கி நிறுவனம் உட்பட Daim தொடர்பான பிற சொத்துக்களையும் விசாரித்து வருகிறது என்றது.