சரவா கூச்சிங்கில் ஞாயிற்றுக்கிழமை 24 மணி நேரத்திற்குள் (ரேபிஸ்) வெறிநாய்க்கடியால் பாதிக்கப்பட்ட நாய் 11 பேரைக் கடித்துள்ளது.
கூச்சிங் தெற்கு நகர சபையின் மேயர் வீ ஹாங் செங் கூறுகையில், பாதிப்படைந்தாவ்ர்கள் 11 முதல் 81 வயதுடையவர்கள்.
வெறிநாய் நோயால் பாதிக்கப்பட்ட ஒரு செல்ல நாய் அதன் உரிமையாளரைக் கடித்த ஒரு தனி சம்பவம் இருப்பதாக வீ கூறினார்.
பாதிக்கப்பட்டவர்கள் சிகிச்சையை மேற்கொள்வது மற்றும் நோயைக் கட்டுப்படுத்துவதில் பயனுள்ளதாக இருந்ததா என்பதைப் பார்க்க பல மாதங்கள் காத்திருக்கும் வேதனையைதை அனுபவிக்க வேண்டும்.
“வெறிநாய்களால் கடிக்கப்பட்ட 12 பேரின் குடும்பங்களுக்கு எனது பிராத்தனைகளை அனுப்பிகிறேன், அவர்கள் பூரண குணமடைவார்கள் என்று நம்புகிறேன்,” என்று அவர் கூறினார்.
இதுவரை ரேபிஸ் நோயால் ஏற்பட்ட பெரும்பாலான இறப்புகள் நாய்களால் கடிக்கப்பட்டதாக பாதிக்கப்பட்டவர்கள் தெரிவிக்கத் தவறியதால் ஏற்பட்டதாக வீ கூறினார்.
செல்லப்பிராணிகளாக இருந்தாலும் நாய், பூனை கடித்தால் உடனடியாக சிகிச்சை பெறுமாறு பொதுமக்களை அவர் வலியுறுத்தினார்.
ஜூலை 2017 இல் வெறிநாய்க்கடி அறிவிக்கப்பட்டதில் இருந்து சரவாவில் மனிதர்கள் சம்பந்தப்பட்ட 73 சம்பவங்கள் பதிவாகியுள்ளன, 66 பேர் இறந்துள்ளனர்.
2023 ஆம் ஆண்டில், 16 பேர் இந்த நோயால் இறந்தனர், இது முந்தைய ஆண்டு பதிவு செய்யப்பட்ட 14 உடன் ஒப்பிடும்போது சற்று அதிகமாகும்.
தற்போது, சரவாக்கில் உள்ள 11 மருத்துவமனைகள் அதிக ஆபத்துள்ளவர்களுக்கு ரேபிஸ் இம்யூனோகுளோபுலின் மருந்தை வழங்குகின்றனர்.
-fmt
