மலேசிய விமானப் போக்குவரத்து ஆணையம் (Malaysian Aviation Commission) 2018 விதிமுறைகளுக்கான திருத்தங்களை உறுதி செய்தவுடன், விமான நிறுவனங்கள் கார்பன் வரியைத் தொடங்கலாம் என்று போக்குவரத்து அமைச்சர் அந்தோணி லோக் தெரிவித்தார்.

கார்பன் வரி அரசாங்கத்தால் வசூலிக்கப்படுவதில்லை, மாறாகக் கார்பன் உமிழ்வை ஈடுசெய்ய விமான நிறுவனங்கள்மூலம் வசூலிக்கப்படுகிறது.

“எங்கள் கொள்கை சிங்கப்பூரிலிருந்து வேறுபட்டது, அது கட்டாயமாக்குகிறது; நாங்கள் அதை ஒரு தேர்வாக  ஆக்குகிறோம்”.

“இது உள்ளூர் அல்லது சர்வதேச விமான நிறுவனங்கள் அல்லது கோலாலம்பூரிலிருந்து வரும் உள்நாட்டு அல்லது வெளிநாட்டு விமான நிறுவனங்களைச் சார்ந்துள்ளது,” என்று அவர் செய்தியாளர்களிடம் கூறினார்.

விமான நிறுவனங்கள் வரி விதிப்பை எவ்வாறு செலவு செய்கின்றன என்பதை காட்ட வெளிப்படையான நடைமுறை தேவைப்படுவதாக லோக் கூறினார்.

பிப்ரவரி 23ம் தேதி போக்குவரத்து அமைச்சகம் கொள்கையளவில் விமான நிறுவனங்கள் தங்கள் கார்பன் வெளியீட்டை ஈடுசெய்ய கூடுதல் கட்டணத்தை விதிக்க அனுமதித்தது என்று அறிவிக்கப்பட்டது.