PSM துணைத் தலைவர் எஸ் அருட்செல்வன், KK மார்ட் சாக்ஸ் சர்ச்சையில் அதிகரித்து வரும் பதட்டங்களைத் தணிக்குமாறு பிரதமர் அன்வார் இப்ராகிமை வலியுறுத்தியுள்ளார்.

பிரதமருக்கு இரண்டு வழிகள் இருப்பதாக அவர் கூறினார்.

முதலில், மடானி கூட்டணிக் கூட்டத்தை நடத்தி இந்தப் பிரச்சினையில் ஒரு கூட்டு நிலைப்பாட்டை வெளியிடுங்கள், இதன் மூலம் அம்னோவின் நிலைப்பாட்டை அறிய முடியும் என்று அருட்செல்வன் கூறினார்.

“தேர்தல் அடிப்படையில், ஒரு வேட்பாளர் மொத்த வாக்குகளில் 12.5 சதவீதத்திற்கும் குறைவாகப் பெற்றால், அவர்கள் வைப்புத்தொகை இழக்க நேரிடும். இன்று அம்னோ அனைத்து இனப் பதட்டங்களையும் தூண்டுகிறது, அது பொறுத்துக் கொள்ளப்படுகிறது,” என்று அருட்செல்வன் நேற்று ஒரு அறிக்கையில் கூறினார்.

அம்னோ இளைஞர் தலைவர் டாக்டர் முஹமட் அக்மல் சலே சிலாங்கூரில் உள்ள அதன் மூன்று விற்பனை நிலையங்களில் அல்லாஹ் என்ற வார்த்தையைக் கொண்ட காலுறைகள் கண்டுபிடிக்கப்பட்டதை அடுத்து, KK மார்ட் தண்டிக்கப்பட வேண்டும் மற்றும் புறக்கணிக்கப்பட வேண்டும் என்று மிகவும் குரல் கொடுத்தவர்களில் ஒருவர்.

அம்னோ உச்ச கவுன்சில், அக்மலுக்கு ஆதரவு தெரிவித்தது.

நேற்று, பேராக் மாநிலம் பிடூரில் உள்ள கேகே மார்ட் கடைக்குத் தீ வைக்கும் முயற்சியால் பதற்றம் உச்சக்கட்டத்தை எட்டியது.

அமைதி மற்றும் நல்லிணக்கத்திற்கான வேண்டுதல்

பதட்டங்களை குறைப்பதற்கான இரண்டாவது வழி தொலைக்காட்சியில் நாட்டு மக்களுக்கு உரையாற்றுவதுதான் என்று அருட்செல்வன் கூறினார்.

“தேசிய தொலைக்காட்சியில் தோன்றி, அனைவரும் அமைதியாகவும் நல்லிணக்கத்தைப் பேணவும் வேண்டுகோள் விடுங்கள். பெரும்பான்மையான மக்கள் இந்த முயற்சியைப் பாராட்டுவார்கள் என்று நான் நம்புகிறேன்”.

ஹமாஸை காக்கவும், காஸாவில் போர் நிறுத்தத்திற்கு அழைப்பு விடுத்ததும் பிரதமர் அன்வார் ஜெர்மனிக்கு சென்றபோது மெச்சத் தக்க வகையில் பேசினார் என்பதை அவர் நினைவு கூர்ந்தார்

நேற்று அம்னோவின் முன்னாள் தலைவர் கைரி ஜமாலுதீனும் தற்போது பிரிந்து கிடக்கும் மக்களை ஒன்றிணைக்குமாறு அன்வாரிடம் வலியுறுத்தினார்.

அன்வார் இதுவரை கே. கே. மார்டின் சர்ச்சைகுறித்து இரண்டு முறை மட்டுமே கருத்து தெரிவித்ததாகக் கூறப்படுகிறது.

முதல் முறையாக இந்த விவகாரத்தில் விசாரணை நடத்தப்பட வேண்டும், ஆனால் தண்டனை மிக அதிகமாக இருக்கக் கூடாது என்று கூறினார்.

இந்தப் பிரச்சினையை மேலும் இழுத்தடிக்கத் தேவையில்லை என்றும் அவர் தெரிவித்துள்ளார்.

திங்களன்று, மதங்கள் குறிப்பாக இஸ்லாத்தை அவமதிக்கக் கூடாது என்றும் அன்வார் வலியுறுத்தினார்.