ஹரி ராயா பெருநாளின்போது சாலைப் போக்குவரத்துத் துறை (ஜேபிஜே) சாலைப் பயனாளர்களுக்கு 13,000 சம்மன்களை வழங்குவதற்கான முக்கிய செயல்திறன் குறிகாட்டியை (கேபிஐ) அமைத்துள்ளதாகப் பரவிய வதந்தியைப் போக்குவரத்து அமைச்சர் லோக் சியூ ஃபூக் மறுத்துள்ளார்.

வரவிருக்கும் பண்டிகைக் காலத்தில் சாலைப் பாதுகாப்பை உறுதி செய்வதும் சாலை விபத்துகளின் எண்ணிக்கையைக் குறைப்பதும்தான் ஜேபிஜேவின் ஒரே நோக்கம்.

“ஹரி ராயா பெருநாளின்போது (ஜேபிஜே) அமலாக்கம் கடுமையாக இருக்கும் மற்றும் சட்டத்திற்கு இணங்குவதை உறுதி செய்ய நடவடிக்கைகள் எடுக்கப்படுகின்றன. நீங்கள் தவறு செய்தால், உங்களுக்கு அபராதம் விதிக்கப்படும்.

சமூக வலைதளங்களில் பரவும் செய்திகள்குறித்து பொதுமக்கள் எச்சரிக்கையாக இருக்க வேண்டும் என்றும் அவர் கேட்டுக் கொண்டார்.

ஜேபிஜேயின் ஹரி ராய சாலை அமலாக்க நடவடிக்கைகள் சாலை பயனாளிகளுக்குப் பல சம்மன்களை அனுப்ப உள்ளதாகவும், ஏப்ரல் 1 முதல் 20 வரை 13,000 சாதாரண சம்மன்கள் இலக்கு நிர்ணயிக்கப்பட்டுள்ளது, அதே காலகட்டத்தில் 1,500 வாகனங்கள் பறிமுதல் செய்யப்படும் என்று  வாட்ஸ்அப்பில் செய்தி பரவி வருகிறது.

-fmt