தமிழ்ப் பள்ளிகளை மேம்படுத்துதல், மாணவர்களின் நலனை உறுதி செய்தல், மலேசிய இந்திய உருமாற்றப் பிரிவு (Mitra) மூலம் உதவி வழங்குதல் உள்ளிட்ட இந்திய சமூகத்தை ஆதரிப்பதற்கு அரசாங்கம் குறிப்பிடத் தக்க முயற்சிகளை மேற்கொண்டுள்ளது என்று தகவல் தொடர்பு அமைச்சர் பஹ்மி பட்சில் தெரிவித்தார்.

அரசாங்கத்தின் செய்தித் தொடர்பாளரான பஹ்மி, தொழில்நுட்ப மற்றும் தொழிற்கல்வி மற்றும் பயிற்சித் திட்டத்தின் மூலம் இந்திய சமூகத்தைச் சேர்ந்த 1,000 தொழிலாளர்களை வேலைக்கு அமர்த்துவதற்கு சில அரசாங்கத்துடன் இணைக்கப்பட்ட நிறுவனங்கள் ஒப்புக்கொண்டுள்ளன.

கோலா குபு பஹாரு இடைத்தேர்தலின்போது இந்திய அரசியல் தலைவர்கள் கருத்து வேறுபாடுகளை ஒதுக்கிவிட்டு சமூகப் பிரச்சினைகளைத் தீர்ப்பதில் கவனம் செலுத்த வேண்டும் என்று கிள்ளான் முன்னாள் எம்பி சார்லஸ் சாண்டியாகோ விடுத்த அழைப்பை அவர் ஏற்றுக்கொண்டார்.

“அரசியல் வேறுபாடுகளை ஒதுக்கி வைத்துவிட்டு, அனைத்து இனங்கள் மற்றும் மதத்தினருக்கான பிரச்சனைகளைத் திறம்பட தீர்க்க ஒன்றிணைந்து செயல்படுவோம். இருப்பினும், ஓரங்கட்டப்பட்ட குழுக்கள் இருந்தால், நாம் விடாமுயற்சியுடன் (அவர்களுக்கு ஆதரவளிக்க) உழைக்க வேண்டும்,” என்று பக்காத்தான் ஹராப்பான் அலுவலகம் திறப்பு விழாவிற்கு பிறகு நேற்று செய்தியாளர்களிடம் கூறினார்.

மித்ரா சிறப்புப் படைக் குழுவின் தலைவராகப் பி பிரபாகரனை பிரதமர் நியமித்திருப்பது, இந்திய சமூகத்தில் உள்ள பிரச்சினைகளைத் தீர்ப்பதற்கும் அவர்களின் நலனைப் பாதுகாப்பதற்கும் முயற்சிகளுக்குப் புத்துயிர் அளிப்பதை நோக்கமாகக் கொண்டுள்ளது என்பதையும் பஹ்மி எடுத்துரைத்தார்.

ஹரப்பான் அலுவலகத்தைத் திறப்பது புத்ராஜெயா நாடாளுமன்றத் தொகுதியைக் கைப்பற்றுவதற்கான ஒரு படியாகும் என்றும் அவர் கூறினார்.

உள்ளூர் சமூகத்தை ஆதரிப்பதில் மட்டுமல்லாமல், அவர்களின் வாழ்க்கையின் சிக்கல்களைப் புரிந்துகொள்வதிலும், அவர்களின் குரல்களைப் வலுப்படுத்துவதிலும் ஹரப்பன் முயற்சிகளைத் தீவிரப்படுத்த வேண்டியதன் முக்கியத்துவத்தை அவர் வலியுறுத்தினார்.