நேற்றிரவு லாஹாட் டத்து, லெம்பா மக்சினாவில் ஏற்பட்ட நீர் பெருக்கத்தைத் தொடர்ந்து மூன்று பேர் நீரில் மூழ்கி இறந்தனர், மேலும் மூவரைக் காணவில்லை.
பாதிக்கப்பட்டவர்கள், 25 மற்றும் 58 வயதுடையவர்கள், மலையேற்றத்திற்காக அந்தப் பகுதிக்குள் நுழைந்த 17 பேர் கொண்ட குழுவைச் சேர்ந்தவர்கள் என்று வட்டாரங்கள் செய்தி வெளியிட்டுள்ளது. ஆறு பேர் காணாமல் போயினர், இருவர் காயம் அடைந்தனர், ஒன்பது பேர் நீரில் சிக்கிக்கொண்டனர்.
லஹாட் டத்து தீயணைப்பு மற்றும் மீட்புத் துறைத் தலைவர் சும்சோவா ரஷித் கூறுகையில், இரவு 8.28 மணிக்கு இந்தச் சம்பவம் குறித்த அவசர அழைப்பு வந்தது.
இரவு 9.36 மணியளவில் மீட்புக் குழுவினர் சம்பவ இடத்துக்குச் சென்று சிக்கிய ஒன்பது பேரையும் மீட்கும் நடவடிக்கைகளை உடனடியாகத் தொடங்கினார்கள்.
அதிகாலை 1.37 மணியளவில் மூன்று பேரின் உடல்கள் மரத்தடிகளில் சிக்கியிருந்தன, அவற்றை மீட்பதற்கான முயற்சிகள் தொடர்ந்து நடைபெற்று வருகின்றன.
இருப்பினும், கண்டுபிடிக்கப்பட்ட மூன்று பாதிக்கப்பட்டவர்களின் அடையாளங்கள் இன்னும் உறுதிப்படுத்தப்படவில்லை, மீதமுள்ள மூன்று பாதிக்கப்பட்டவர்களைத் தேடும் பணி தொடர்கிறது, என்று அவர் மேற்கோள் காட்டினார்.
காயமடைந்த பாதிக்கப்பட்டவர்களை சிகிச்சைக்காக போலீசாரிடம் ஒப்படைப்பதற்கு முன் அவசர மருத்துவ பதில் சேவைகள் உடனடி சிகிச்சை அளித்ததாக சம்சோவா கூறினார். மோசமான வானிலை மற்றும் வெளிச்சம் காரணமாக அதிகாலை 1.40 மணிக்கு தேடுதல் பணி நிறுத்தப்பட்டது. காவல்துறை, அரசு ஊழிய பாதுகாப்புப் படை மற்றும் வனத்துறையினரின் உதவியுடன் காலை 6 மணிக்கு மீட்ப்பு பணி மீண்டும் தொடங்கியது,” என்றார்.
-fmt
