கோலா குபு பாரு இடைத்தேர்தலில் பாங் சாக் தாவோவின் வெற்றி, மலாய்க்காரர்கள் ஒற்றுமை அரசாங்கத்தை ஆதரிப்பதைக் காட்டுகிறது என்று சிலாங்கூர் மந்திரி பெசார் அமிருடின் ஷாரி கூறுகிறார்.
பக்காத்தான் ஹராப்பான் வேட்பாளரின் வெற்றியைப் பாராட்டி அமிருடின் வெளியிட்ட அறிக்கையில், சீன, இந்திய மற்றும் ஒராங் அஸ்லி சமூகங்கள் மத்தியில் ஒற்றுமை அரசாங்கத்திற்கான ஆதரவு வலுவாக இருப்பதாக கூறினார்.
சிலாங்கூர் பிகேஆர் தலைவரும், கட்சியின் துணைத் தலைவருமான அமிருதின், “மலேசியர்களாகிய நாங்கள் ஒருவருக்கொருவர் தேவை என்பதை ஏற்றுக்கொள்கிறோம், ஒற்றுமை கூட்டணிதான் நாட்டை வளமாக்குவதற்கும் மக்களுக்கு நீதியை உறுதி செய்வதற்கும் சிறந்த கூட்டணி.
“இந்த தேர்தலின் மக்களின் முடிவு, பிரிவினையின் முகவர்கள் தங்களை பிரதிநிதித்துவப்படுத்துவதை அவர்கள் விரும்பவில்லை என்பதற்கான சான்றாகும்”.
கோலா குபு பாரு வாக்காளர்கள் பாங்கிற்கு வாக்களிப்பதில் சரியான தேர்வை மேற்கொண்டனர், ஏனெனில் இது உள்ளூரில் தொடர்ந்து வளர்ச்சியை உறுதி செய்யும். சிலாங்கூர் மந்திரி பெசார் பிரச்சாரத்தில் பாங் அளித்த ஒவ்வொரு தேர்தல் வாக்குறுதியையும் நிறைவேற்றுவதை உறுதி செய்வேன் என்றார்.
நேற்றிரவு நடைபெற்ற தேர்தல் வெற்றி மகிழ்ச்சியளிக்கக் கூடிய ஒன்றல்ல என்றார். “இது மக்களால் ஒப்படைக்கப்பட்ட பொறுப்பு. மாநிலத்தையும் நாட்டையும் தொடர்ந்து முன்னேற்றுவது அவர்களின் நம்பிக்கையைப் பெற்ற தலைவர்களாகிய எங்களின் கூட்டுப் பொறுப்பாகும்,” என்றார்.
-fmt
