இப்போது சிலாங்கூர் மந்திரி பெசார் அமிருதின் ஷாரியை ஆதரிக்கும் பெர்சத்து சட்டமன்ற உறுப்பினர், பாஸ் கூட்டணியுடன் இணைந்திருக்கும் வரை கட்சிக்கான ஆதரவு தொடர்ந்து குறையக்கூடும் என்று நம்புவதாகத் தெரிவித்துள்ளார்.

அப்துல் ரஷீத் அசாரி கூறுகையில், ஆதரவை இழந்தால் இஸ்லாமிய கட்சியை “மிகவும் தீவிரமாது” என்று முத்திரை குத்தினார்.

வாக்குப்பதிவின் போது பாஸ் பிரச்சாரம் செய்தபோது, வாக்களிக்காதது “ஹராம்” (தடை) என்று கதை கதைக்கட்டப்பட்டது என்று கூறினார்.

இது மாதிரியான தோரணையை பலர் விரும்புவதில்லை. இது மிகவும் தீவிரமானது. மலாய்க்காரர்கள் இதை விரும்புவதில்லை, சில பாஸ் உறுப்பினர்கள் கூட வெறுக்கிறார்கள்,” என்று அவர் செய்தியாளர்களிடம் கூறினார்.

அனைத்து பாஸ் உறுப்பினர்களும் தீவிரமானவர்கள் அல்ல என்று வலியுறுத்தும் செலாட் கிள்ளான் சட்டமன்ற உறுப்பினர், அத்தகைய கருத்துக்களை ஆதரிக்கும் ஒரு சில தலைவர்கள் வாக்காளர்களை கவர அவர்கள் செய்த கடின உழைப்பை மறுக்கிறார்கள் என்று கூறினார்.

சமீபத்திய கோலா குபு பாரு இடைத்தேர்தலுக்கான பிரச்சாரத்தின் போது பக்காத்தான் ஹராப்பான் தலைவர்களுடன் மேடையைப் பகிர்ந்து கொண்ட ரஷீத், தனிப்பட்ட அளவில், பாஸை நம்பவில்லை என்றும் கூறினார்.

மதத்தைப் பற்றி இவ்வளவு பிரசங்கித்தாலும், கட்சியால் ஒரு எளிய ஒப்பந்தத்தைக் கூட மதிக்க முடியவில்லை.

பெரிக்காத்தான் 15வது பொதுத் தேர்தலுக்கான இட ஒதுக்கீடு குறித்து ஆலோசித்துக்கொண்டிருந்தபோது, பெர்சத்து கபாரில் போட்டியிட எழுத்துப்பூர்வ ஒப்பந்தம் இருப்பதாகவும், கடைசி நிமிடத்தில் பாஸ் மட்டுமே அந்த இடத்தைப் பெற்றது.

பாஸின் டாக்டர் ஹலிமா அலி இறுதியில் ஏழு முனைப் போராட்டத்தில் நாடாளுமன்றத் தொகுதியை வென்றார்.

“நீங்கள் உங்கள் வார்த்தையைக் கடைப்பிடிக்காவிட்டால் அது பாவம் என்று அவர்கள் கூறுகிறார்கள், ஆனால் பாஸ் தலைவர்கள் வேறுவிதமாக நினைக்கிறார்கள் என்று நான் நினைக்கிறேன்,” என்று ரஷித் கூறினார்.

-fmt