மோதலுக்குப் பின் பாலஸ்தீனத்தின் காசா பகுதியில் உள்ள சுத்தமான நீர் வழங்கல் அமைப்பைப் பழுதுபார்ப்பதற்கு அல்லது புனரமைக்க மலேசியா தயாராக இருப்பதாகத் துணைப் பிரதமரும், எரிசக்தி மாற்றம் மற்றும் நீர் மாற்ற அமைச்சருமான டத்தோஸ்ரீ பாடில்லா யூசோப் தெரிவித்தார்.

குனைமின்(Mazen Ghunaim) வேண்டுகோளின் பேரில் இன்று முடிவடைந்த 10வது உலக நீர் அமைப்புக் கூட்டத்தில், பாலஸ்தீன நீர் ஆணையத்தின் தலைவராக உள்ள பாலஸ்தீன நீர் வளத்துறை அமைச்சர் மஸீன் குனைமிற்கும் அவர் இதனைத் தெரிவித்தார்.

“தற்போதைய நெருக்கடிக்குப் பிறகு மலேசியா பல்வேறு வகையான உதவிகளை, குறிப்பாகத் தொழில்நுட்ப உதவிகளை வழங்க முடியும் என்று அவர்கள் நம்பிக்கை தெரிவித்தனர்”.

“தற்போது, ​​அங்குச் சுத்தமான நீர் விநியோகம் கடுமையாகப் பாதிக்கப்பட்டு சீர்குலைந்துள்ளது,” என்று அவர் மலேசிய ஊடகங்களுக்குத் தெரிவித்தார்.

“நாங்கள் அவர்களின் நாட்டிற்குள் நுழைய அனுமதிக்கப்பட்டால், தொழில்நுட்ப உதவிகளை வழங்க நாங்கள் தயாராக இருக்கிறோம். இதற்குப் பாலஸ்தீனிய தரப்புடன் நடைமுறைப்படுத்துவதற்கான முறைகள், நேரம் மற்றும் வழிகள்பற்றிய கூடுதல் விவாதம் தேவைப்படுகிறது,” என்று ஃபதில்லா (மேலே) மேலும் கூறினார்.

படில்லாவின் கூற்றுப்படி, மலேசியா ஏற்கனவே பாலஸ்தீனத்திற்கு அனுப்ப பாட்டில் தண்ணீர் விநியோகம் உட்பட சில மனிதாபிமான உதவிகளை அனுப்பியுள்ளது.