தாமான் முஜூர் பெர்சாம் பகுதியில் உள்ள ஒரு வீட்டில் மர்மமான முறையில் கொலை செய்யப்பட்ட 60 வயது பெண்ணின் மரணம்குறித்து காவலர் விசாரித்து வருகின்றனர்.
இதுகுறித்து ஈபோ மாவட்ட காவல்துறை தலைவர் அபங் சைனல் அபிடின் அபித் அகமது கூறுகையில், இந்த வழக்கு விசாரணை குற்றவியல் சட்டத்தின் 302வது பிரிவின் கீழ் விசாரிக்கப்பட்டு வருகிறது.
“ராஜா பெர்மைசூரி பைனுன் மருத்துவமனை ஜூன் 13 ஆம் தேதி காலை 9.15 மணியளவில் பிரேத பரிசோதனையை முடித்தது”.
“ஆரம்பத்தில், இது திடீர் மரணம் என்று வகைப்படுத்தப்பட்டது, ஆனால் இப்போது அது உள்நோக்கத்துடன் கொலை என்று வகைப்படுத்தப்பட்டுள்ளது,” என்று அவர் நேற்று ஒரு அறிக்கையில் தெரிவித்தார்.
பொதுத் தகவலின் அடிப்படையில், பாதிக்கப்பட்டவரின் 36 வயது மகன் விசாரணைகளை எளிதாக்குவதற்காக ஜூன் 14 வரை மூன்று நாட்களுக்கு விளக்கமறியலில் வைக்கப்பட்டுள்ளதாக அவர் மேலும் கூறினார்.
“சந்தேக நபருக்குப் போதைப்பொருள் தொடர்பான வழக்குகள் உட்பட 11 முந்தைய குற்றப் பதிவுகள் உள்ளன,” என்று அவர் கூறினார்.
வழக்கைப் பற்றி ஏதேனும் தகவல் இருந்தால், விசாரணை அதிகாரி பட்லி அஹ்மதை 019-250 0019 அல்லது அருகில் உள்ள காவல் நிலையத்திற்குத் தொடர்பு கொள்ளுமாறு ஜைனால் பொதுமக்களிடம் வேண்டுகோள் விடுத்தார்.
