உலகளவில் வலுவான உறவுகளைப் பேணுகையில், அப்பாவி உயிர்களுக்கு இழைக்கப்படும் கொடுமைகளுக்கு எதிராகக் குரல் கொடுப்பதில் மலேசியா உறுதியாக இருக்கும் என்று பிரதமர் அன்வார் இப்ராஹிம் இன்று வலியுறுத்தினார்.
பெட்டாலிங் ஜெயாவில் உள்ள GXBank தலைமையகத்தைத் துவக்கி வைத்துப் பேசிய பிரதமர், நாடு ஒரு திறந்த நிலைப்பாட்டை ஏற்றுக்கொள்கிறது என்றும், அது இறையாண்மை கொண்ட நாடாக இருக்கும் வரை அனைவருடனும் நட்புறவும், வர்த்தகம் செய்யவும் தயாராக இருப்பதாகவும் வலியுறுத்தினார்.
“அமைதி மற்றும் பொருளாதார நிலைத்தன்மையைப் பேணுவதன் மூலம் அனைத்து நாடுகளுடனும் வர்த்தகம் செய்ய அனுமதிக்கும் வகையில், திறந்த கொள்கையுடன் உயர்ந்த படியை நாங்கள் எடுத்து வருகிறோம். அனைத்து நாடுகளுடனும் நட்பு மற்றும் திறந்த உறவுகளைப் பேணுவதற்கு நாங்கள் உறுதிபூண்டுள்ளோம்”.
“வளர்ச்சியைத் தூண்டக்கூடிய எதுவும், மற்றும் அனைத்து நாடுகளுடனும் ஈடுபடவும், நமது தேசிய அமைதி மற்றும் பொருளாதார நலன்களைப் பாதுகாக்கவும் உதவும் எந்தவொரு அரசாங்கமும், நாங்கள் திறந்த நிலையில் இருப்போம்,” என்று அன்வார் கூறினார்.
இருந்த போதிலும், அடக்குமுறைக்கு எதிரான அரசாங்கத்தின் நிலைப்பாடு தெளிவாக உள்ளது என்று பிரதமர் உறுதியளித்தார்.
அவரைப் பொறுத்தவரை, மலேசியா சுதந்திரத்தை நிலைநிறுத்துவதற்கும், அடக்குமுறையை நிராகரிப்பதற்கும், அப்பாவி மக்களைத் துன்புறுத்தும், அவமதிக்கும் மற்றும் கொல்லும் எந்தவொரு நாடு அல்லது குழுவுடன் தன்னை இணைத்துக் கொள்ள மறுப்பதில் உறுதியாக உள்ளது.
“இதனால்தான், காசா பிரச்சினையில், மனிதாபிமானக் கொள்கைகளை உரக்கப் பேசியுள்ளோம்”.
“பாதிக்கப்பட்டவர்கள் முஸ்லிம்கள், கிறிஸ்தவர்கள், இந்துக்கள், பௌத்தர்கள் என்று வேறுபாடின்றி, அப்பாவி மக்கள், பெண்கள், குழந்தைகள்மீது இழைக்கப்படும் கொடூரமான கொடுமைகளால் கண்மூடித்தனமாக இருக்கும்போது சுதந்திரம் மற்றும் மனிதநேயம் பற்றிப் பேசுவதில் அர்த்தமில்லை”.
“இது மலேசியா எடுக்கும் நிலைப்பாடு, நாங்கள் சமரசம் செய்யாமல் உறுதியாகக் கடைப்பிடிப்போம்,” என்று அவர் கூறினார்.
பாலஸ்தீனத்தில் நடந்த இனப்படுகொலை குறித்து அன்வார் குரல் கொடுத்தார். அவர் சமீபத்தில் ஈரானில் ஹமாஸ் தலைவர் இஸ்மாயில் ஹனியே கொல்லப்பட்டதை “கொடூரமான கொலை” என்று விவரித்தார்.
