பங்களாதேஷில் சிறுபான்மை இந்துக்களுக்கு இழைக்கப்பட்ட அட்டூழியங்களைக் கண்டித்து 100க்கும் மேற்பட்ட போராட்டக்காரர்கள் இன்று கோலாலம்பூரில் உள்ள மலேசியாவுக்கான வங்கதேச உயர் ஆணைய அலுவலகம் முன் பேரணி நடத்தினர்.

இந்த விஷயத்தில் மலேசிய அரசாங்கம் மௌனமாக இருப்பதையும் அவர்கள் விமர்சித்ததுடன், வங்கதேசத்தில் இந்துக்கள் மீதான அடக்குமுறைக்கு எதிராகப் புத்ராஜெயா வலுவான அறிக்கையை வெளியிட வேண்டும் என்று வலியுறுத்தினர்.

35 தன்னார்வ தொண்டு நிறுவனங்களால் ஒன்று திரட்டப்பட்ட குழு, இன்று காலை 10.45 மணியளவில் காவல்துறை கண்காணிப்பில் போராட்டத்தைத் தொடங்கியது.

அவர்களில் சிலர், “மனிதநேயத்தை மதிக்கவும்”, “அனைத்து உயிர்களும் முக்கியம்” மற்றும் “இந்துக்களின் உயிர்கள் முக்கியம்” போன்ற வாசகங்கள் அடங்கிய பதாகைகளை ஏந்தியபடி காணப்பட்டனர்.

குளோபல் மனித உரிமைகள் கூட்டமைப்பு (Global Human Rights Federation) தலைவர் எஸ் சஷி குமார் மற்றும் சிலாங்கூர் யுனைடெட் ஃபார் ரைட்ஸ் ஆஃப் மலேசியன்ஸ் பார்ட்டி (Selangor United for the Rights of Malaysians Party) தலைவர் கே குணசேகரன் ஆகியோர் கலந்து கொண்டனர்.