வெள்ள நிலைமை கட்டுக்குள் இருப்பதால் கிளந்தானில் வெள்ளப் பேரிடர் அவசரநிலையை அறிவிக்க வேண்டிய அவசியம் இல்லை.

மாநிலத்தின் துணைச் செயலாளர் (நிர்வாகம்) அப் பட்டா ஹஸ்புல்லா, மாநிலத்தில் வெள்ள நிலைமை மோசமடைந்து கட்டுப்படுத்த முடியாததாக இருந்தால் மட்டுமே அவசரநிலை அறிவிக்கப்படும் என்று கூறியுள்ளார்.

“அவசரநிலையை அறிவிப்பதைக் கருத்தில் கொள்வது பொறித்திருந்து பாப்போம். மாநில அளவில் தினமும் பேரிடர் கூட்டங்களை நடத்துகிறோம். “மாநிலச் செயலர் தலைமையில் நடைபெறும் கூட்டங்களில், நாங்கள் நிலைமையைப் பற்றி விவாதிக்கிறோம், மேலும் இந்த விஷயத்தை நட்மாவுக்கு (தேசிய பேரிடர் மேலாண்மை நிறுவனம்) பரிந்துரைப்பதற்கு முன், அவசரநிலை தேவையா என்பதைத் தீர்மானிக்க பிரதமருக்கு அறிவிப்பதற்கு முன் கிளந்தான் மந்திரி பெசாரிடம் தெரிவிப்போம்.”

மாநிலத்தில் 10 மாவட்டங்கள் வெள்ளத்தால் பாதிக்கப்பட்டுள்ளதாகவும், ஆனால் நிலைமை கட்டுக்குள் உள்ளது என்றும் அவர் கூறினார்.

இதேவேளை, கிளந்தானில் ஏற்பட்டுள்ள வெள்ளப்பெருக்கு காரணமாக இன்று காலை 8 மணி நிலவரப்படி 17 துணை மின் நிலையங்கள் மூடப்பட்டுள்ளன. இந்த துணை நிலையங்கள் கோட்டா பாரு, பாசிர் புதே, தனா மேரா, மச்சாங், பாசிர் மாஸ், பச்சோக் மற்றும் கோலா க்ராய் ஆகிய இடங்களில் உள்ளன.

மின் கசிவு அபாயம் காரணமாக வெள்ள நீரில் மூழ்கும் மின் நிறுவல்களைத் தவிர்க்குமாறு பொதுமக்களுக்கு தெனாக நேசனல் அறிவுறுத்தியுள்ளது.

தெரெங்கானுவில், நேற்று தொடங்கிய கடுமையான வெள்ளம் காரணமாக நான்கு மாவட்டங்களில் உள்ள 18 பள்ளிகள் மூடப்பட்டுள்ளன. ஹுலு தெரெங்கானு, கெமாமன், டுங்குன் மற்றும் செட்தியு ஆகிய இடங்களில் பள்ளிகள் அமைந்துள்ளன.

ஆறு மாவட்டங்களில் மொத்தம் 41 பள்ளிகள் வெள்ளத்தால் பாதிக்கப்பட்டவர்களை தங்க வைப்பதற்காக நிவாரண மையங்களாக மாற்றப்பட்டுள்ளன.

-fmt