இஸ்தானா நெகாரா இன்று கைதிக்குக் கருணை கோர விரும்புவோர் தங்கள் விண்ணப்பத்தை மன்னிப்பு வாரியத்திடம் சமர்ப்பிக்க வேண்டும் என்றார்.
“ஒரு கைதிக்கு முழு மன்னிப்பு அல்லது தண்டனைக் குறைப்பு வழங்கப்பட வேண்டும் என்று ஏதேனும் ஒரு தரப்பினர் விரும்பினால், அடுத்த கூட்டத்தில் பரிசீலனைக்காக அகோங் தலைமையிலான மன்னிப்பு வாரியத்திற்கு தண்டனை பெற்ற நபர் விண்ணப்பிக்க வேண்டும்”.
“மேலும் அனைத்து தரப்பினரும் கூட்டாட்சி அரசியலமைப்பு மற்றும் தொடர்புடைய அனைத்து சட்டங்களையும் மதிக்க வேண்டும் என்பதை நாங்கள் நினைவூட்டுகிறோம்,” என்று இஸ்தானா நெகாரா இன்று முகநூலில் வெளியிட்ட அறிக்கையில் தெரிவித்துள்ளார்.
