சபா மற்றும் சரவாக்கில் ஏற்பட்ட பேரழிவுகளால் சேதமடைந்த உள்கட்டமைப்புகளை சீரமைக்க 24 மில்லியன் ரிங்கிட் உடனடியாக ஒதுக்கீடு செய்வதாகப் பிரதமர் அன்வார் இப்ராஹிம் இன்று அறிவித்தார்.

பேரிடர் பாதிக்கப்பட்ட மாநிலங்களுக்கு மத்திய அரசு வழங்கும் உதவி பருவகால அடிப்படையில் அல்ல என்று அவர் கூறினா

“பேராக்கில் வெள்ளம் ஏற்பட்டால், பாதிக்கப்பட்ட குடும்பத்திற்கு ரிம1,000 வழங்குகிறோம். சபா மற்றும் சரவாக்கிற்கும் இது பொருந்தும், வெள்ளம், தீ மற்றும் நிலச்சரிவுகளால் பாதிக்கப்பட்ட ஒவ்வொரு குடும்பத்திற்கும் ரிம 1,000 உடனடியாக வழங்குமாறு நட்மாவிற்கு (தேசிய பேரிடர் மேலாண்மை நிறுவனம்) அறிவுறுத்தியுள்ளேன்.

“பெரிய பழுதுபார்ப்புகளுக்கு ரிம 20 மில்லியனிலிருந்து ரிம 24 மில்லியன்வரை அவசரமாகத் தேவைப்படுவதாக மதிப்பிடப்பட்டது, நாங்கள் அதற்கு ஒப்புதல் அளித்துள்ளோம். இந்த அணுகுமுறை மாநிலம் அல்லது பருவத்தை அடிப்படையாகக் கொண்டது அல்ல, ஆனால் பொறுப்பை அடிப்படையாகக் கொண்டது, எனவே நாங்கள் அதன்படி செயல்படுகிறோம், ”என்று அவர் கூறினார்.

பேராக், தாமான் மேருவில் உள்ள மஸ்ஜித் அல்-முத்தகினில் நடந்த சமுதாய விருந்தில் அவர் உரை நிகழ்த்தினார்.

பின்னர் அன்வார் மசூதியில் வெள்ளிக்கிழமை தொழுகை நடத்தினார்.

நேற்று, சபா மற்றும் சரவாக்கில் ஏற்பட்ட வெள்ளத்திற்கு பதிலளிக்கும் வகையில் மத்திய மற்றும் மாநில ஏஜென்சி முயற்சிகளின் ஒருங்கிணைப்பை மேம்படுத்துமாறு நட்மாவுக்கு பிரதமர் உத்தரவிட்டார்.

முகநூல் பதிவில், வெள்ளத்தால் பாதிக்கப்பட்டவர்களின் நலன் மற்றும் பாதிக்கப்பட்ட பகுதிகளில் வசிப்பவர்களின் பாதுகாப்புக்கு முன்னுரிமை அளிப்பதாக அன்வார் வலியுறுத்தியுள்ளார்.

நட்மாவின் முகநூல் பக்கத்தின்படி, மொத்தம் 17,459 பேர் வெள்ளத்தால் வெளியேற்றப்பட்டவர்கள்; சரவாக்கில் 11,734பேர் மற்றும் சபாவில் 5,725பேர்; இன்று மதியம் வரை 92 நிவாரண மையங்களில் (PPS) தங்க வைக்கப்பட்டுள்ளனர்.