போக்குவரத்து அமைச்சர் அந்தோணி லோக், அனைத்து ரயில் நிலைய ஆபரேட்டர்களும் தங்கள் பாதுகாப்பு அம்சங்களை மேம்படுத்தவும்  அறிவுறுத்தியுள்ளார், குறிப்பாக மாற்றுத்திறனாளி சமூகத்திற்கு வசதியாக என்றார்.

இன்று காலைக் கோலாலம்பூரில் உள்ள Rapid Rail Sdn Bhd நடத்தும் டிடிவாங்சா நிலையத்தில் ரயில் தண்டவாளத்தில் ஒரு பார்வையற்றவர் இறந்து கிடந்ததை அடுத்து இது நிகழ்ந்தது.

“இது போன்ற சம்பவங்கள் மீண்டும் நடக்காமல் இருப்பதை உறுதி செய்யப் Prasarana (Malaysia Bhd)  பல முக்கியமான நடவடிக்கைகளை எடுக்கும்”.

“ஆபத்தான நடத்தைகளைக் கண்டறியும் வகையில் பொருத்தப்பட்ட ஸ்மார்ட் சிசிடிவிகள், அவற்றின் நிலையங்களில் நிறுவப்படும்”.

“நீண்ட காலத்திற்கு, பயணிகளின் பாதுகாப்பை மேம்படுத்துவதற்காக, அனைத்து LRT வழித்தடங்களிலும் Prasarana பிளாட்ஃபார்ம் திரை கதவுகளை நிறுவுகிறது,” என்று லோக் இன்று முகநூலில் தெரிவித்தார்.

 திதிவாங்சா எல்ஆர்டி நிலையம்

இன்று அதிகாலை, கோலாலம்பூர் தீயணைப்பு மற்றும் மீட்புத் துறை (FRD) செயல்பாட்டு மையமும், செந்துல் மாவட்ட காவல்துறையும், இறந்தவர் பார்வையற்ற சீன மனிதர் என அடையாளம் கண்டுள்ளனர்.

காலை 8.38 மணிக்கு MERS-999 அமைப்புமூலம் பெறப்பட்ட அவசர அழைப்பின் அடிப்படையில் செந்தூல் மற்றும் திதிவாங்சா தீயணைப்பு நிலையங்களிலிருந்து குழுக்கள் சம்பவ இடத்திற்கு அனுப்பப்பட்டதாக KL FRD செயல்பாட்டு இயக்குனர் ஃபாதில் ஹெசாம் முகமட் தெரிவித்தார்.

“மேலும் சோதனைகளில் பாதிக்கப்பட்டவர் பார்வையற்றவர் என்பது கண்டறியப்பட்டது, மேலும் ஆரம்ப விசாரணைகளின் அடிப்படையில், பாதிக்கப்பட்டவர் கடந்து செல்லும் ரயிலில் மோதுவதற்கு முன்பு தண்டவாளத்தில் விழுந்ததாக நம்பப்படுகிறது”.

“ரயில் ஓட்டுநரின் கவனத்திற்கு வராமல், பாதிக்கப்பட்டவர் சமநிலையை இழந்ததால் இந்தச் சம்பவம் நடந்ததாக நம்பப்படுகிறது,” என்று அவர் கூறியதாகத் தெரிவிக்கப்பட்டுள்ளது.

பாதுகாப்பானது மற்றும் உள்ளடக்கியது

அந்த வகையில், கூடுதல் உதவி தேவைப்படும் அனைத்து ரயில் பயணிகளும், குறிப்பாக மாற்றுத்திறனாளி சமூகத்தினரிடமிருந்து, பிரசாரணா பணியாளர்கள் அல்லது துணை காவல்துறையை அணுகுமாறு லோக் வலியுறுத்தினார்.

“பயணிகளின் பாதுகாப்பு மற்றும் நலன் எங்களுக்கு முன்னுரிமையாக உள்ளது”.

“மேலும், அனைத்து மலேசியர்களுக்கும் பயனளிக்கும் வகையில், நமது பொதுப் போக்குவரத்து அமைப்பு பாதுகாப்பாகவும், உள்ளடக்கியதாகவும், பயனர் நட்பாகவும் இருப்பதை உறுதி செய்வதற்கு அரசாங்கம் உறுதிபூண்டுள்ளது,” என்று அவர் மேலும் கூறினார்.