பமீலா லிங்கை ஏப்ரல் 9 ஆம் தேதி கடத்திய நபர்கள் காவல்துறையினர் உடையில் இருந்ததாகக் கூறப்படும் புகாரைப் போலீசார் விசாரித்து வருகின்றனர். மலேசிய ஊழல் தடுப்பு ஆணையத்தின் (MACC) தலைமையகத்திற்கு லிங்கை அழைத்துச் சென்ற இ-ஹெய்லிங் வாகனத்தின் ஓட்டுநர் ஒரு போலீஸ் புகாரில் இந்தக் கூற்றைக் கூறியதாகக் கோலாலம்பூர் காவல்துறைத் தலைவர் ருஸ்டி இசா உறுதிப்படுத்தினார். இது இன்னும் விசாரிக்கப்பட்டு வருகிறது என்று அவர் தெரிவித்தார்.

சம்பவம் நடந்த நாளில் தாக்கல் செய்யப்பட்ட போலீஸ் புகாரை, கார் மூன்று வாகனங்களால் வளைக்கப்பட்ட சிறிது நேரத்திலேயே, தான் பார்த்ததாக லிங்கின் வழக்கறிஞர் என். சிவானந்தன் கூறியதாக மலேசியாகினி மேற்கோள் காட்டியது. ஓட்டுநரின் கூற்றுப்படி, அவரது காரை மேலும் மூன்று பேர் – இரண்டு அடர் நீலம், ஒரு வெள்ளை – எம்ஏசிசி தலைமையகத்தை அடையவிருந்தபோது – இடைமறித்ததாகச் சிவானந்தன் கூறினார்.

போலீஸ் உடை அணிந்த ஒரு ஆணும், போலீஸ் சீருடையில் இருந்த ஒரு பெண்ணும் கார்களிலிருந்து வெளியே வந்து, லிங்கை தங்களுடன் வரச்  சொன்னார்கள், இ-ஹெய்லிங் ஓட்டுநரின் மைகாடையும் எடுத்துக்கொண்டனர். லிங் காணாமல் போனது தொடர்பாக இரண்டு போலீஸ் புகார்கள் பதிவு செய்யப்பட்டுள்ளன.

பணமோசடி விசாரணைக்கு அந்தப் பெண் உதவி செய்ததாக எம்ஏசிசி கூறியது. அதே நேரத்தில் அவர் காணாமல் போவதற்கு முன்பு ஊழல் தடுப்பு  ஆணையத்தின் தலைமையகத்திற்கு பலமுறை சென்றதாகப் போலீசார் தெரிவித்தனர். ஏப்ரல் 9 ஆம் தேதி அவர் ஆஜராகாததால் அதிகாரிகள் அவரைத் தொடர்பு கொள்ள முடியவில்லை என்று எம்ஏசிசி தெரிவித்துள்ளது. இதுவரை 12 பேரைப் போலீசார் விசாரித்துள்ளனர்