சமீபத்தில் மாணவர்கள் சம்பந்தப்பட்ட பல குற்றங்களைத் தொடர்ந்து, பள்ளிகளில் முழுப் பொறுப்பையும் ஏற்று பாதுகாப்பு நடவடிக்கைகளை வலுப்படுத்துவதாக கல்வி அமைச்சர் பத்லினா சிடெக் உறுதியளித்துள்ளார்.

இந்த சம்பவங்கள் குறித்து ஆழ்ந்த வருத்தத்தை வெளிப்படுத்திய பத்லினா, இதுபோன்ற சம்பவங்கள் மீண்டும் நிகழாமல் இருப்பதை உறுதி செய்வதற்காக அனைத்து கல்வி நிறுவனங்களிலும் பாதுகாப்பு மற்றும் நல்வாழ்வு சீர்திருத்தங்களை செயல்படுத்துவதில் கல்வி அமைச்சகம் உறுதியாக உள்ளது என்றார்.

“அமைச்சகத்தின் கீழ் உள்ள அனைத்து நிறுவனங்களிலும் மேம்பட்ட பாதுகாப்பை உறுதி செய்வதற்கு எனது துணை (வோங் கா வோ) மற்றும் நான் முழுப் பொறுப்பையும் ஏற்றுக்கொள்கிறோம்.

“பள்ளிகளின் பாதுகாப்பு மற்றும் நல்வாழ்வுக்காக இந்த சீர்திருத்தத்தை நாங்கள் இணைந்து செயல்படுத்துவோம்,” என்று அவர் இன்று முகநூலில்    பதிவிட்டுள்ளார்.

மாணவர்கள், ஆசிரியர்கள் மற்றும் அனைத்து பள்ளி ஊழியர்களின் பாதுகாப்பை உறுதி செய்வதற்காக மேம்பாட்டு நடவடிக்கைகள் உடனடியாக செயல்படுத்தப்படும்.

இந்த கடினமான நேரத்தில் பள்ளிகளுக்கு தொடர்ந்து ஆதரவளித்த பெற்றோர்கள் மற்றும் பெற்றோர்-ஆசிரியர் சங்கங்களுக்கும் அவர் நன்றி தெரிவித்தார்.

சமீபத்தில் பள்ளிகளில் பல கொடூரமான குற்றங்களால் நாடு அதிர்ந்தது.

அக்டோபர் 14 அன்று, பெட்டாலிங் ஜெயாவின் பந்தர் உட்டாமாவில் உள்ள ஒரு பள்ளியில் 16 வயது பெண் மாணவி ஒருவர் கத்தியால் குத்தப்பட்டார், மேலும் சந்தேகத்திற்குரிய 14 வயது சிறுவன் விசாரணைகளுக்கு உதவ ஏழு நாட்கள் காவலில் வைக்கப்பட்டுள்ளார்.

அக்டோபர் 7 ஆம் தேதி, நெகிரி செம்பிலானில் உள்ள ரெம்பாவ்வில் உள்ள ஒரு பள்ளியைச் சேர்ந்த ஒன்பது வயது சிறுமி, ஒரு பெண் பாதுகாவலர் மற்றும் அவரது காதலனால் பாலியல் வன்கொடுமைக்கு ஆளானதாகக் கூறப்படுகிறது, அதே நேரத்தில் மலாக்காவின் அலோர் காஜாவில் உள்ள ஒரு பள்ளியில் மூன்றாம் படிவம் மாணவி அக்டோபர் 2 ஆம் தேதி தனது பள்ளி மூத்த மாணவர்களால் பாலியல் பலாத்காரம் செய்யப்பட்டார்.

-fmt