டிவிட்டர்ஜயா #Merdeka55 -ல் ‘ஆவிகள்’

பொதுத் தேர்தல்களில் ஆவி வாக்காளர்களைப் பயன்படுத்துவதாக புத்ராஜெயா மீது பல முறை குற்றம் சாட்டப்பட்டுள்ளது. அந்த முறை #Merdeka55 என்னும் டிவிட்டர்ஜயா பக்கத்திலும் பயன்படுத்தப்பட்டுள்ளதாக தோன்றுகிறது.

நேற்று புக்கிட் ஜலிலில் நிகழ்ந்த மெர்தேக்கா கொண்டாட்டங்களின் தொடர்பில் பிரதமர் தமது டிவிட்டரில் hashtag #Merdeka55-ஐ பயன்படுத்த தொடங்கிய ஒரு மணி நேரத்தில் ஒரு மில்லியன் டிவிட் செய்திகளை தகவல், தொடர்பு, பண்பாட்டு அமைச்சர் ராயிஸ் யாத்திம் எதிர்பார்த்தார்.

ஆனால் அந்த இலக்கையும் தாண்டி தேச விசுவாச செய்திகளைத் தாங்கிய மொத்தம் 3,611,323 டிவிட்டர்கள் பிரதமருக்கு hastag #Merdeka55உடன் அனுப்பப்பட்டதாக பெர்னாமா தகவல் வெளியிட்டுள்ளது.

என்றாலும் அந்த எண்ணிக்கையில் 38 விழுக்காடு சந்தேகத்துக்கு உரியவை என டிவிட்டர் ஆய்வு நிறுவனமான Politweet.org கண்டு பிடித்துள்ளது.