சில பிரிவுகளுடைய நன்மைக்காக சட்டங்களுக்குத் தவறான விளக்கம் கொடுக்க  வேண்டாம் என சிலாங்கூர் சுல்தான் ஷாராபுதின் இட்ரிஸ் ஷா மாநில மக்களைக்  கேட்டுக் கொண்டுள்ளார்.

“கூட்டரசு அரசமைப்பு, மாநில அரசமைப்பு, நாட்டின் சட்டங்கள் ஆகியவற்றை  முழுமையாக மதித்து சட்டங்களில் கூறப்பட்டுள்ள விதிகளுக்கு கீழ்ப்படிய  வேண்டும் என நான் எல்லாத் தரப்புக்களையும் குறிப்பாக சிலாங்கூர் மக்களைக்  கேட்டுக் கொள்கிறேன்.”

அவர் இன்று 13வது சிலாங்கூர் மாநிலச் சட்டமன்றத்தை தொடக்கி வைத்து  உரையாற்றினார்.

“மக்கள் எப்போதும் தனிப்பட்ட நலன்கள், அரசியல் ஆகியவற்றுக்கு மேலாக  சட்டத்தை நிலை நிறுத்த வேண்டும் என்றும் சிலாங்கூர் சுல்தான் கேட்டுக்  கொண்டார்.

“அன்றாட வாழ்க்கையில் சட்டத்தைப் பின்பற்றி, இனங்களுக்கு இடையில்  மரியாதையும் நிலவினால் நாம் தொடர்ந்து அமைதி, ஒற்றுமை, வளப்பம்  ஆகியவற்றை அனுபவிக்க முடியும்,” என்றும் அவர் குறிப்பிட்டார்.