உள்துறை துணை அமைச்சர் வான் ஜுனாய்டி, IPCMC என்னும் போலீஸ் புகார்கள்  தவறான நடத்தை மீதான சுயேச்சை ஆணையம் போலீஸ்காரர்களை  கிரிமினல்களைக் காட்டிலும் மோசமாக நடத்தும் எனக் கூறியதின் வழி அந்த  ஆணையத்தை அமைக்க வேண்டும் என்ற கோரிக்கைகளுக்கு முற்றுப்புள்ளி  வைத்துள்ளார்.

“அந்த IPCMC அரசமைப்பு முதல் இயற்கை நீதி வரை எல்லாவற்றையும்
மீறுகின்றது. அது நீதிமன்ற அதிகாரத்தை ஒதுக்குகின்றது. இறுதித் தீர்ப்பு வழங்கும்  அமைப்பாகவும் அது மாறுகின்றது.”

“ஒழுங்கு நடவடிக்கையை எதிர்நோக்கும் ஒருவர் நீதிமன்றத்தில் முறையீடு  செய்வதற்கு உரிமை இல்லாத நிலையைக் கற்பனை செய்து பாருங்கள். நீங்கள்  போலீஸ்காரர்களை கிரிமினல்களைக் காட்டிலும் மோசமாக நடத்துகிறீர்கள்,”  என்றார் அவர்.

பரிந்துரை செய்யப்பட்டுள்ள IPCMC என்ற போலீஸ் புகார்கள் தவறான நடத்தை  மீதான சுயேச்சை ஆணையம் குறித்து ஆய்வு செய்வதற்கு ஒரு மாத  அவகாசத்தை வான் ஜுனாய்டி கடந்த ஜுன் மாதம் 4ம் தேதி கோரியிருந்தார்.

அந்த ஆய்வின் முடிவுகள் பற்றி வினவப்பட்ட போது அவர் அவ்வாறு பதில்  அளித்தார்.