தடுப்புக் காவலில் இருந்த போது மரணமடைந்த என் தர்மேந்திரன் கொலையில்  தாம் மாட்டிவிடப்படுவதாக இன்ஸ்பெக்டர் ஹரி கிருஷ்ணன் கூறிக் கொண்டுள்ளது  பற்றி விசாரிக்கப்படும் என தேசியப் போலீஸ் படைத் தலைவர் காலித் அபு  பாக்கார் கூறுகிறார்.

“நாங்கள் அதனை புலனாய்வு செய்வோம். நான் ஏற்கனவே சொன்னது போல  நாங்கள் எல்லாப் போலீஸ் புகார்களையும் விசாரிப்போம்.”

“ஆனால் உண்மையைக் கண்டு பிடிப்பதற்கு அவர் முதலில் முன் வரவேண்டும்.  இப்போது அவர் முன் வந்துள்ளதால் நாங்கள் உண்மையைக் கண்டு பிடிப்போம்,”  என காலித் புக்கிட் அமான் கூட்டரசுப் போலீஸ் தலைமையகத்தில் இன்று  நிருபர்களிடம் கூறினார்.

தர்மேந்திரன் கொலைக்கு தமக்கு எதிராகத் தவறாகக் குற்றம் சாட்டப்படுவதாக  ஹரி செய்து கொண்டுள்ள போலீஸ் புகார் பற்றி அவர் கருத்துரைத்தார்.