குளியலறை  உணவருந்தும்  இடமாக பயன்படுத்தப்பட்ட  விவகாரத்தில்  தகவல்  அளித்தவரைத் தேச நிந்தனைச் சட்டத்தின்கீழ் விசாரிக்க  வேண்டும் என்று கூறிய சிலாங்கூர்   அம்னோ தலைவர் நோ  ஒமாரை  மசீச தலைவர் டாக்டர் சுவா சொய் லெக்  சாடினார்.

“அவருக்குக் கிறுக்குத்தான் பிடித்திருக்க வேண்டும். தேச நிந்தனைச் சட்டம் தவறாக பயன்படுத்தப்படுவதற்கு இது ஓர் எடுத்துக்காட்டு”, என்றவர் மலேசியாகினியிடம் கூறினார்.

“அம்னோ உயர்தலைவர் ஒருவர் இப்படி கருத்துரைத்திருப்பது வருத்தமளிக்கிறது”, என்றாரவர்.

மஇகா வியூகத் தலைவர் சா.வேள்பாரியும், நோ ஒமாரைக் கண்டித்தார்.“யார் மீதாவது குற்றம் சாட்டுவதாக இருந்தால் தலைமையாசிரியர்மீதுதான் குற்றம் சாட்ட வேண்டும்”, என்றாரவர்.

கெராக்கான் இளைஞர் பகுதியும் நோ ஒமாருக்குக் கண்டனம் தெரிவித்துள்ளது.