அண்மைய காலமாக துப்பாக்கிச் சூட்டுச் சம்பவங்கள் அதிகரித்து வருவதற்கு எதிர்க்கட்சிகளே பழியை ஏற்க வேண்டும் என முன்னாள் மலாக்கா முதலமைச்சர் அலி ருஸ்தாம் கூறுகிறார்.
காரணம் அந்த எதிர்க்கட்சிகள் தடுப்புக் காவல் சட்டங்கள் ரத்துச் செய்யப்பட வேண்டும் என வற்புறுத்தியதாகும்.
“அவசர காலச் சட்டமும் உள்நாட்டுப் பாதுகாப்புச் சட்டமும் ரத்துச் செய்யப்பட்டு விட்டதால் துப்பாக்கிச் சூட்டுச் சம்பவங்கள் அதிகரித்து விட்டன,” என அவர் சொன்னதாக பெரித்தா ஹரியான் நாளேடு செய்தி வெளியிட்டுள்ளது.
“ஆகவே நடந்ததற்கு எதிர்க்கட்சிகளே பொறுப்பேற்க வேண்டும்,” என அம்னோ உச்ச மன்ற உறுப்பினருமான அலி ருஸ்தாம் தெரிவித்தார்.
முதல் அமைச்சர் பதவியும் போச்சு , கேபநேட்டுலேயும் இடமில்லாம போச்சு , பாவம் எதையாவது உலர்னாதானே யாராவது திரும்பி பாப்பாங்க ! பேசு பேசு ?
அலி ருஸ்தாம் ஒரு தீவிர இனவாதி என்பதில் எனக்கு மாற்றுக் கருத்து கிடையாது. ஆனால் நாட்டில் குற்றச்செயல் அதிகரிப்புக்கு அவசர காலச் சட்டம் அகற்றப்பட்டது காரணம் என்பதை ஒப்புக் கொள்வேன். குறிப்பாக நமது இனம் ரவுடித்தனத்தால் மிகவும் பாதிக்கப்பட்டுள்ளது.தினம் தினம் கொலை நடக்கிறது. கொல்பவனும் கொல்லப்படுபவனும் தமிழனாகவே இருக்கிறான். சிவாராசா, சுரேந்திரன் போன்ற மேட்டுக்குடி இந்தியர்கள் அரசியல் லாபத்திற்காக குற்றவாளிகளுக்கு வக்காலத்து வாங்குகின்றனர். குண்டர்களின் அடாவடித்தனத்தால் பாதிக்கப்படும் அப்பாவி மக்கள், வியாபாரிகள், மாணவர்கள் பற்றி யாரும் கவலைப்படுவதில்லை.