புதிதாக மூண்டுள்ள ஒரியண்டல் கேப்பிட்டல் அஸுரன்ஸ் பெர்ஹாட் பிரச்னை தொடர்பாக தாம் சுமத்தியுள்ள குற்றச்சாட்டுக்களை செனட்டர் ஜஸ்பால் சிங் ஏழு நாட்களுக்குள் நிரூபித்தால் தாம் இப்போது வியூக இயக்குநராக பணியாற்றும் மஇகா-விலிருந்து விலகிக் கொள்வதாக முன்னாள் மைக்கா ஹோல்டிங்ஸ் தலைமை நிர்வாக அதிகாரியான எஸ் வேள்பாரி வாக்குறுதி அளித்துள்ளார்.
ஆனால் ஜஸ்பால் ஒரு காலத்தில் மைக்கா சொத்தாக இருந்த அந்த காப்புறுதி நிறுவனத்துன் விற்பனை, பங்குப் பரிவர்த்தனைப் பட்டியலில் அது சேர்க்கப்பட்டது சம்பந்தப்பட்ட தமது குற்றச்சாட்டுக்களுக்கு ஆதாரத்தை காட்டுவதில் தோல்வி கண்டால் ‘மேலவையைத் தவறாக வழி நடத்தியதற்காக’ செனட்டர் பதவியிலிருந்து விலகிக் கொள்ள மஇகா தலைமைப் பொருளாளருமான அவர் தயாராக இருக்கிறாரா என வேள்பாரி வினவினார்.
“ஜஸ்பால் தமது குற்றச்சாட்டுக்களை நிரூபிக்க நான் அவருக்கு ஏழு நாட்கள் வழங்குகிறேன். அவர் அதனைச் செய்தால் நான் மஇகா-விலிருந்து விலகிக் கொண்டு சம்பந்தப்பட்ட அதிகாரிகள் என்னை விசாரிப்பதற்கு நான் முன் வருவேன்.”
“ஆனால் அவர் அதனைச் செய்யத் தவறினால் மேலவையைத் தவறாக வழி நடத்தியதற்காக ஜஸ்பால் செனட்டர் பதவியை ராஜினாமா செய்யத் தயாராக இருக்கிறாரா ?” என முன்னாள் மஇகா தலைவர் எஸ் சாமிவேலு-வின் புதல்வருமான வேள்பாரி ஒர் அறிக்கையில் வினவினார்.
‘ஜஸ்பால், மைக்கா பற்றி சொன்னதை நிரூபியுங்கள்’ வேள்பாரி அவர்களே நிரூபிப்பது கடினம் ,அதற்குள் பல வேலைகளெல்லாம் செஞ்சி ,பல தில்லு முள்ளு எல்லாம் பண்ணி சாட்சியே இல்லாமல் பண்ணிட்டால் எப்படி நிரூபிப்பார்கள் ?
மைக்கா மூலம் வாங்கி விற்ற அந்த இன்சுரன்ஸ் கம்பெனி லாப பணத்தை எல்லா பங்கு தாரர்களுக்கும் முதலில் கொடுத்துவிட்டு பின்னர் நீ கோட்டுக்கு அல்லது வீதி ஆர்ப்பாட்டத்துக்கு போ? எங்கள் பணத்துக்கு என்ன பதில் சொல்லப்பா?
வணக்கம்.
மத்திய அரசாங்கம் நினைத்திருந்தால் தனது துணை நிறுவனம் மூலம் மைக்கா ஹோல்டிங்ஸ் நிறுவனத்தை கையக படுத்தி அதன் மூலம் இந்திய சமுதாயத்தின் பொருளாதார குறியீட்டை உயர்த்தி இருக்க முடியும் ஆனால் செய்யவில்லை. அன்று இந்த ஜஸ்பால் ஏதேனும் வேண்டுகோளை முன்மொழிந்தார என்பதையும் கருத்தில் கொள்ள வேண்டும். இந்தியா சமுதாயத்தின் மற்ற பிரச்சனைகளையும் ஜஸ்பால் மேலவைக்கு கொண்டு செல்ல வேண்டும்.