ஜூலை 16-இல், நாடு முழுவதுமுள்ள இந்திய வணிகர்கள் வெளிநாட்டவர்களால் தங்கள் வியாபாரம் பாதிக்கப்படுவதாகக் கூறி கடை அடைப்பின் மூலம் அதற்கு எதிர்ப்புத் தெரிவித்தனர்..
அந்த எதிர்ப்பு பலனளிக்கவில்லைபோல் தெரிகிறது. ஏனென்றால், அனைத்துலக விற்பனைச் சந்தை இன்று தொடங்கி சனிக்கிழமைவரை பாயான் பாருவில் உள்ள பினாங்கு அனைத்துலக விளையாட்டு அரங்கில் (பிசா) அமோகமாக நடைபெறுகிறது.
ஒரு வகையில் அக் கண்டனக் கூட்டங்கள் மறைமுக விளம்பரங்களாக அமைந்தன என்கிறார் டி.பி. கனா. அவர் இந்த 5-நாள் விற்பனைச் சந்தைக்கு ஏற்பாடு செய்துள்ள மலேசிய-இந்திய வணிகச் சங்கத்தின் உதவிச் செயலாளராவார்.
“நாங்கள் குட்டி இந்தியாவின் வியாபாரத்தைப் பறிக்கவில்லை. இந்திய பொருள்களுக்கான சந்தையை வலுப்படுத்தி பயனீட்டாளர்களுக்கு விரிவான விருப்பத் தேர்வுகளை வழங்குகிறோம்”, என்று கனா மலேசியாகினியிடம் தெரிவித்தார்.
வணிகத்தில் நேர்மையான போட்டி அவசியம். இந்தியாவிலிருந்து மிக மலிவாக பொருள்களை வாங்கிக் கொணர்ந்து, மலேசிய இந்தியர்களிடம் கொள்ளை லாபத்திற்கு விற்கும் போக்கைக் கொண்ட உள்ளுர் வணிகரே இத்தகைய போட்டிக்கு அஞ்சுவர். நேர்மையான வணிகர் எப்பொழுதும் தம்மை போட்டிக்கு ஆயத்தமாக வைத்திருப்பதிலும், திறமையாக வணிகம் செய்வதிலும் கவனம் செலுத்துவர். போட்டி இல்லாத வணிகம் வேண்டுமென்றால் செவ்வாய் கிரகத்திற்கு போகலாமே. நாளுக்கு நாள் விலைவாசி விஷம் போல் அதிகரித்து வரும் வேளையில் இத்தகைய போட்டி இருப்பதனால் நியாய விலையில் மக்கள் குறிப்பாக மலேசிய இந்தியர்கள் பொருள்களை வாங்க வழி ஏற்படும்.
வணக்கம்.தைபூசத்தில் இவர்கள் நிறுவனம் தானே கடைகளை அமைத்து வியாபாரம் செய்கின்றன, அன்று மற்றவர்களின் வியாபாரம் பாதிக்கவில்லையோ. மற்றவர்கள் செய்தால் குற்றம் இவர்கள் செய்தால் ஞாயம்.
வியாபாரத்தில் ஆதிக்கம் செய்ய கிள்ளானில் கடைகளின் வாடகையை அதிகரித்து மற்றவர்களின் வயிற்றில் அடித்து இன்று நரி போல் ஊளையிடும் வணிகப் பெருமகனின் நாடகத்தினை நம்பி மற்ற வணிகர்கள் ஏமாற வேண்டாம்