சுவாராமைத் ‘தேர்வு செய்து ஒடுக்குவதை’ நிறுத்திக் கொண்டு குற்றச் செயல்களை முறியடிப்பதில் கவனம் செலுத்துமாறு அரசாங்கம் கேட்டுக் கொள்ளப்பட்டுள்ளது.
இவ்வாறு சுவாராம் நிர்வாக இயக்குநர் இ நளினி இன்று ஒர் அறிக்கையில் கூறியுள்ளார்.
ஜுலை 19ம் தேதி சுவாரம் நடத்திய நிதி திரட்டும் விருந்து பற்றிய போலீஸ் விசாரணை “கால விரயம், மக்கள் வரிப்பண விரயம்’ என அந்த மனித உரிமைப் போராட்ட அமைப்பு கருதுவதாகவும் அவர் சொன்னார்.
சுவாராம் அந்நிய நிதியை அறிவிக்கத் தவறி விட்டது எனக் கூறப்பட்டதின் தொடர்பில் மலேசிய நிறுவன ஆணையமும் சங்கப் பதிவதிகாரி அலுவலகமும் கடந்த ஆண்டு விசாரணை நடத்தின.
ஸ்கார்ப்பின் நடவடிக்கைக்கு நிதி திரட்டும் விருந்தை சுவாராம் நடத்திய பின்னர் அதிகாரிகள் மீண்டும் அதனை விசாரிக்கத் தொடங்கியுள்ளனர்.
அந்த விருந்தில் பேசிய பிகேஆர் உதவித் தலைவர் நுருல் இஸ்ஸா அன்வாரை இன்று போலீசார் விசாரணைக்காக அழைத்தனர்.
ஏற்கனவே அந்த விருந்தில் பேசிய பிரபல வழக்குரைஞர் அமெரிக் சிங் சித்து, சுவாராம் செயலக உறுப்பினர் சிந்தியா கேப்ரியல் ஆகியோரை போலீசார் விசாரித்துள்ளனர்.
போலீஸ் அம்னோவின் பொதி சுமக்கும் கழு… ! முரடனொருவன் எப்படி குழந்தைகள் , முதியோர்கள் , உடல் ஊனமுற்றோர்கள் மற்றும் நலிந்தோரிடம் தன் வீரத்தைக் காண்பிப்பானோ அதுப்போல் போலீஸ் தன் ஆண்மையை இப்படி ‘அரசு சாரா இயக்கங்களிடம் ‘ காண்பிக்கிறது ! போலீஸ் குற்றவாளிகளைக் கண்டுப் பயப்படுகிறதோ?
இப்போதைய அரசாங்கமும் போலிசும் அம்னோகாரர்களை ஒன்றும் செய்யாது. அவர்கள் நம்மவர்களையும் சீனர்களையும் தான் பகடைக்காய்போல் பயன் படுத்துகிறார்கள். இதற்கெல்லாம் ஒரு முடிவு இல்லாமல்போய்விட்டது.
அவர்களுக்கு அதற்க்கெல்லாம் நேரமில்லை அம்மா.
மலேசியா அமைச்சர்கள் சொத்து விவரத்தை அறிவிக்கவேண்டியதில்லை என்று பிரதமர் கூறினார் என்ற செய்தியை ஊடகவழி படித்தேன்.இது சரியல்ல.பொதுச்சேவை துறையில் உள்ளவர்கள் சொத்து விவரங்களை அறிவிக்கும்போது அமைச்சர்களும்,அரசியல்வாதிகளும் ஏன் சொத்து விவரங்களை அறிவிக்கக்கூடாது?