பிரதமர் துறை துணை அமைச்சர் பி வேதமூர்த்தி அரசாங்கம் வகுத்த பாதையைப்  பின்பற்ற வேண்டும் என்றும் அரசாங்கக் கொள்கைக்கு முரணான அறிக்கைகளை  வெளியிடக் கூடாது என்றும் உள்துறை அமைச்சர் அகமட் ஸாஹிட் ஹமிடி அவருக்கு ஆலோசனை கூறியுள்ளார்.

“அவர் (வேதமூர்த்தி) தம்மை அரசு சார்பற்ற அமைப்பு ஒன்றின் தலைவராக  தொடர்ந்து கருதக் கூடாது. ஹிண்ட்ராப் (இந்து உரிமை நடவடிக்கைக் குழு)  தலைவரைப் போன்றும் அவர் சிந்திக்கக் கூடாது. போலீஸ் பணியில் தலையிடக்  கூடாது,” என அகமட் ஸாஹிட்  நிருபர்களிடம் கூறினார்

பினாங்கில் கடந்த திங்கட்கிழமை சந்தேகத்துக்குரிய ஐந்து குண்டர்கள்
கொல்லப்பட்ட துப்பாக்கிச் சூட்டுச் சம்பவம் ஒன்று குறித்து போலீஸ் அளித்த  விளக்கம் மீது வேதமூர்த்தி கேள்வி எழுப்பியதாகச் சொல்லப்படுவது குறித்து  கருத்துரைக்குமாறு கேட்டுக் கொள்ளப்பட்ட போது அகமட் ஸாஹிட் அவ்வாறு  கூறினார்.