மனித உரிமைக்காக போராடும் என்ஜிஓ-வான சுவாராம், மங்கோலியரான அல்டான்துயா ஷரிபுவின் கொலைவழக்கில் குற்றம்சாட்டப்பட்டிருந்த போலீஸ் அதிகாரிகள் இருவர் விடுவிக்கப்பட்டது அறிந்து அதிர்ச்சி அடைந்துள்ளது.

“அதிர்ச்சிதரும் தீர்ப்பு…அப்படியென்றால் அவரைக் கொன்றவர்கள் யார்?”, என்று சுவாராம் இயக்குனர் சிந்தியா கேப்ரியல் கேள்வி எழுப்பினார்.

“அவர் எப்படிக் கொல்லப்பட்டார் என்ற கேள்வியும் எழுகிறது. சி4 வெடிமருந்துகள் எப்படி கிடைத்தன? சி4, 7- இலவன் கடைகளில் விற்கப்படும் சரக்கல்லவே”, என்றாரவர்.

இன்றைய தீர்ப்பு அல்டான்துயாவின் கொலை குறித்து முழுமையான விசாரணையைப் புதிதாக தொடங்க வேண்டும் என்பதையும் வலியுறுத்துவதாக கேப்ரியல் குறிப்பிட்டார்.