தேசிய சேவை பயிற்சிக்குத் தேர்ந்தெடுக்கப்படும் பெண்கள் கருத்தரிப்புச் சோதனைக்கு  அனுப்பப்படுவார்கள். இதற்குமுன் பயிற்சிக்குச் சென்ற சிலர் கருத்தரித்திருந்தும் அது பற்றி அறியாமல் இருந்ததும் சிலர் அதை இரகசியமாக வைத்துக்கொண்டதும்தான் இதற்குக் காரணமாகும்.

அப்பயிற்சிகள் “உடலை வருத்திச் செய்யப்படுபவை” என்பதால் கருத்தரித்துள்ள பெண்களுக்கு அவை “ஆபத்தானவை” என மகளிர், குடும்ப, சமூக மேம்பாட்டு அமைச்சர் ரொஹானி அப்துல் கரிம் கூறினார்.

“சோதனையில் அவர்கள் கருத்தரித்திருப்பது தெரிய வந்தால் சேர்த்துக்கொள்ளப்பட மாட்டார்கள்”, என்று கூறிய அவர் மகளிர் அமைப்புகள் பரந்த கண்ணோட்டத்தில் இதைப் பார்க்க வேண்டும் எனக் கேட்டுக்கொண்டார்.

மகளிர் அமைப்புகள் அந்தச் சோதனைக்கு எதிர்ப்புத் தெரிவித்திருந்தன.