போலீசிடமுள்ள குறிப்புகளின் அடிப்படையில் பார்த்தால்,, அவசரகாலச் சட்டவிதிகளும் நடமாட்டக் கட்டுப்பாட்டுச் சட்டமும் அகற்றப்பட்டதிலிருந்து துப்பாக்கி பயன்படுத்திச் செய்யப்பட்ட கொலைகளும் கொலைமுயற்சிகளும்  அதிகரித்துள்ளது.

அவை அகற்றப்படுவதற்கு முந்திய 18 மாதங்களில்- ஜூன் 21, 2010இலிருந்து 21, டிசம்பர் 2011வரை- சுடும் ஆயுதங்களால் கொல்லப்பட்டவர் எண்ணிக்கை 57.

ஆனால், அவை அகற்றப்பட்ட 18 மாதங்களில்- டிசம்பர் 22, 2011இலிருந்து  ஜூன் 26, 2013வரை- துப்பாக்கியால் சுட்டுக் கொல்லப்பட்டவர்  எண்ணிக்கை 116 ஆகக் கூடியிருக்கிறது.

குறிப்பிட்ட அக்காலத்தில் பொதுவில் குற்றங்கள் குறைந்தன என்றாலும், வன்முறை சார்ந்த குற்றச்செயல்கள் அதிகரித்ததாக போலீஸ் புள்ளிவிவரங்கள் காண்பிக்கின்றன.