மாணவர்கள் மிரட்டப்படுவதாகக் கூறப்படுவதன் தொடர்பில் எஸ்கே பிரிஸ்தானா தலைமையாசிரியருக்கு எதிராகக் கல்வி அமைச்சோ சிலாங்கூர் கல்வித் துறையோ நடவடிக்கை எடுக்காதிருப்பது ஏமாற்றமளிப்பதாக மசீச இளைஞர் தலைவர் வீ கா சியோங் கூறுகிறார்.

பத்து மாணவர்கள் அங்கிருந்து இடம் மாறிச்செல்ல முற்பட்டதைச் சுட்டிக்காட்டிய அந்த முன்னாள் கல்வி துணை அமைச்சர், நடவடிக்கை எடுக்கப்படாதிருந்தால் “பள்ளி இனஒழிப்பு நடவடிக்கையில் ஈடுபடுவதாகவே அர்த்தம் செய்துகொள்ளப்படும்” என்றார்.

மாணவர்கள் மிரட்டப்படுவதாகவும் தகவல் சொன்னவரின் மகளை இனத்தைச் சொல்லிப் பழிப்பதாகவும் புகார் செய்தவர்களின் பிள்ளைகள் மிரட்டப்படுவதாகவும் கூறப்படுவதை  (அமைச்சு) ஆராய வேண்டும் என்றவர் கேட்டுக்கொண்டார்.