முகம்மட் சாபுவின்   பாஸ் துணைத் தலைவர் பதவிக்கு ஆபத்து வந்துள்ளது.

அப்பதவியில் சமய அறிஞர் ஒருவர் இருப்பதையே அக்கட்சியின் ஆன்மீக தலைவர் நிக் அப்துல் அசீஸ் நிக் மாட் விரும்புவதால் மாட் சாபுவின் நிலை ஆட்டம் கண்டிருப்பதாகக் கட்சி வட்டாரங்கள் சில தெரிவித்தன.

நிக் அசீஸ்  தம் விருப்பத்தை வெளிப்படுத்தியதன்வழி எந்த வேட்பாளரைத் துணைத் தலைவராகத் தேர்ந்தெடுக்க வேண்டும் என்பதைப் பேராளர்களுக்கு உணர்த்தி விட்டார் என்று அவை கூறின.

கட்சியில் மிகுந்த செல்வாக்குடன் விளங்கும் நிக் அசீஸ், நடப்பு தலைவர் அப்துல் ஹாடி ஆவாங்கே தொடர்ந்து கட்சியை வழிநடத்த வேண்டும் என்றும் விரும்புகிறார்.