பினாங்கு முதலமைச்சரும் டிஏபி தலைவருமான லிம் குவான் எங், சிறையில் உள்ள இண்ட்ராப் தலைவரைச் சந்திக்க ஆர்வம் கொண்டிருக்கிறார்.

உதயகுமாரைச் சந்திக்க சிறைத்துறை தலைமை இயக்குனர் அனுமதி அளிக்க மறுத்து விட்டார் என்பதால் உள்துறை அமைச்சரிடம் முறையீடு செய்துகொள்ளப்போவதாய் அவர் தெரிவித்தார்.

அவரின் விருப்பத்துக்குப் பின்னே அரசியல் நோக்கம் இருப்பதாகக் கூறப்படுவதை லிம் மறுத்தார்.

“எனக்கும் சிறை அனுபவம் உண்டு. மனிதாபிமான முறையில்தான் உதயகுமாரைச் சந்திக்க விரும்புகிறேன்”, என்றவர் கூறினார்.