தேசியப் பதிவுத் துறை (JPN), இந்த அட்டைகள் அதிகாரப்பூர்வமாக அறிமுகப்படுத்தப்பட்ட பிறகு, புத்ராஜெயா மற்றும் தேர்ந்தெடுக்கப்பட்ட 18 அலுவலகங்களில் இருந்து தொடங்கி, கட்ட வாரியாக விநியோகிக்கப்படும் என்று தெரிவித்துள்ளது.

“National registration department (JPN) இணைய முறைமை மூலம் புதிய மைக்காட்களுக்கு (MyKad) விண்ணப்பித்தவர்கள், முன்னுரிமை பெறுபவர்களில் அடங்குவர் என்று அந்தத் துறை தெரிவித்துள்ளது.”

புதிய MyKad ஜூன் 1 அன்று அறிமுகப்படுத்தப்படும் என எதிர்பார்க்கப்படுகிறது. இது கட்டங்களாக வழங்கப்படும்; முதலில் புத்ராஜயாவில் உள்ள பதிவு தலைமையகத்திலும், தேர்ந்தெடுக்கப்பட்ட 18 பதிவு அலுவலகங்களிலும் வழங்கப்படும்.

புதிய MyKad வழங்கல் மற்றும் மாற்று செயல்முறை எப்போது தொடங்கும் என்பது குறித்து, பிரதமர் அன்வார் இப்ராஹிம் புதிய MyKad-ஐ அதிகாரப்பூர்வமாக அறிமுகப்படுத்திய பின்னரே அறிவிக்கப்படும் என்று துறை தெரிவித்துள்ளது.

அதன் முன்பதிவு முறை (appointment system) மூலம் விண்ணப்பித்தவர்களுக்கும், பிளாஸ்டிக் அடையாள அட்டைகள், உயர்தர அடையாள அட்டைகள் மற்றும் லேசர் மூலம் பொறிக்கப்பட்ட நிழல் படம் (laser-engraved ghost image) இல்லாத MyKad-இன் முதல் பதிப்பை வைத்திருப்பவர்களுக்கும் முன்னுரிமை வழங்கப்படும்.

இந்தப் பிரிவில் உள்ளவர்கள் அடுத்த மூன்று ஆண்டுகளுக்குள் தங்கள் அட்டைகளை புதிய MyKad-ஆக மாற்றிக் கொள்ள வேண்டும் என்றும் துறை தெரிவித்துள்ளது.

உள்துறை அமைச்சர் சைஃபுத்தீன் நஸூஷன் இஸ்மாயில் முன்பே, புதிய MyKad அறிமுகமானவுடன் மக்கள் உடனடியாக தங்கள் அடையாள அட்டைகளை மாற்ற வேண்டிய அவசியமில்லை என்று கூறியிருந்தார். தற்போது 2 கோடிக்கும் மேற்பட்ட மலேசியர்கள் MyKad வைத்துள்ளனர்.

தற்போதுள்ள MyKad-கள் அனைத்தும் அரசாங்க மற்றும் அதிகாரப்பூர்வ பயன்பாடுகளுக்கு தொடர்ந்து செல்லுபடியாக இருக்கும் என்றும் துறை தெரிவித்துள்ளது.