22 வயதான அசிம் ஹைக்கால் நூர் அசித்தின் என்பவரின் மரணத்திற்கு காரணமான ஆபத்தான முறையில் வாகனம் ஓட்டியதாக போங் ஹெங் லியோங் மீது குற்றச்சாட்டு சுமத்தப்பட்டுள்ளது.

பாதிக்கப்பட்டவரின் பிரேதப் பரிசோதனை அறிக்கைக்காகக் காத்திருக்கும் நிலையில், வழக்கின் மேலாண்மைக்காகப் பெட்டாலிங் ஜெயா மாஜிஸ்திரேட் நீதிமன்றம் செப்டம்பர் 21ஆம் தேதியை நிர்ணயித்துள்ளது.

கடந்த மே மாதம் ஆபத்தான முறையில் வாகனத்தை ஓட்டி, பி-ஹெய்லிங் (p-hailing) விநியோக ஊழியர் ஒருவரின் மரணத்திற்கு காரணமானதாக சுமத்தப்பட்ட குற்றச்சாட்டை, மூத்த குடிமகன் ஒருவர் இன்று இங்குள்ள மஜிஸ்திரேட் நீதிமன்றத்தில் மறுத்து விசாரணை கோரினார்.

1987-ஆம் ஆண்டு சாலைப் போக்குவரத்துச் சட்டத்தின் பிரிவு 41(1)-இன் கீழ் சுமத்தப்பட்ட இக்குற்றச்சாட்டு, மஜிஸ்திரேட் நூர் நடாஸ்யா மொஹ்தாருடின் முன்னிலையில் வாசித்துக் காட்டப்பட்டதைத் தொடர்ந்து, 72 வயதான போங் ஹெங் லியோங் (Fong Heng Leong) தன் மீதான குற்றச்சாட்டை மறுத்தார்.

கடந்த மே 5 ஆம் தேதி மதியம் சுமார் 1.42 மணியளவில், இங்குள்ள ஜாலான் 17/21 இல் போங் என்பவர் புரோட்டான் எக்ஸ்70 (Proton X70) வாகனத்தை ஆபத்தான முறையில் ஓட்டி, 22 வயதுடைய அசிம் ஹைக்கல் நூர் அசிடின் என்பவரின் மரணத்திற்குக் காரணமானதாகக் குற்றம் சாட்டப்பட்டுள்ளார் என்று சினார் ஹரியான் செய்தி வெளியிட்டுள்ளது.

பாதிக்கப்பட்டவரின் பிரேதப் பரிசோதனை அறிக்கைக்காகக் காத்திருக்கும் வேளையில், வழக்கின் நிர்வாகத்திற்காக (case management) நீதிமன்றம் செப்டம்பர் 21-ஆம் தேதியை நிர்ணயித்துள்ளது.

இந்த வழக்கில் அரசுத் தரப்பில் துணை அரசு வழக்கறிஞர் சைதா பசிஹா சே யுசோஃப் ஆஜரானார், அதே நேரத்தில் குற்றம் சாட்டப்பட்டவர் தரப்பில் வழக்கறிஞர் சுராஜ் சிங் முன்னிலையானார்.