தனியார்  மருத்துவக்  கட்டணங்கள்  திருத்தப்பட்டதற்கு ஒரு  பக்கத்தில் எதிர்ப்புக்  கிளம்பி  இருக்கும்வேளையில் மறுபக்கம் மலேசிய  மருத்துவச்  சங்கம், நீண்டகாலத்துக்கு  முன்பே  இதைச்  செய்திருக்க  வேண்டும்  என்றும்  12  ஆண்டுகளாக  மருத்துவக் கட்டணம்  உயர்த்தப்படவில்லை  என்றும்  கூறியுள்ளது.

“ஐந்தாண்டுகளுக்கு  ஒரு  முறை  அதைப்  பரிசீலனை  செய்ய  வேண்டும்.  ஆனால்,  அது  உயர்த்தப்படவில்லை. கடைசியாக மருத்துவக்  கட்டணம்  பரிசீலனை  செய்யப்பட்டது  12  ஆண்டுகளுகளுக்கு  முன்பு”,  என  எம்எம்ஏ  தலைவர்  டாக்டர்  என்.கே.எஸ். தர்மசீலன்  மலேசியாகினியிடம்  தெரிவித்தார்.

பயனீட்டாளர்  விலைக்  குறியீட்டின்படி(சிபிஐ)  பார்த்தால்  14.5  விழுக்காடு  மருத்துவக்  கட்டண  உயர்வு  என்பது  குறைவான  ஒன்றுதான் என்று  தரமசீலன்  கூறினார். 

“அது  சிபிஐ  உயர்வுக்கு  ஏற்பவும்  இல்லை,  2002-இலிருந்து  ஏற்பட்டுள்ள  பணவீக்கத்தைப்  பிரதிபலிக்கவும்  இல்லை.  ஆனாலும்,  சேவையை  முன்னிறுத்தி  அதை  ஏற்றுக்கொள்கிறோம்”,  என்றாரவர்.