எம்எச்17-இன்  சிதைந்த  பகுதிகள்  மலேசியாவில்  ஆராயப்படுவதற்காக  இங்குக்  கொண்டுவரப்பட  வேண்டும்  என்று  முன்னாள்  பிரதமர்  டாக்டர்  மகாதிர்  முகம்மட்  கோரிக்கை  விடுத்துள்ளார்.

சிதைவுகளை  ஆராய்வதினின்றும்  மலேசியா  ஒதுக்கப்படுகிறது என்றும்  நெதர்லாந்தில்  அவற்றை  ஆராய “வேண்டா வெறுப்பாகவே  அது  அனுமதிக்கப்பட்டது”  என்றும்  அவர்  கூறினார்.

“அந்த விபத்தில்  உயிரிழந்தவர்களில்  டச்சு  நாட்டவர்தான்  அதிகம்  என்பது  உண்மையே. ஆனால், அந்த  விமானம்  டச்சுக்காரர்களுக்குத்தான்  சொந்தம் என்று  எந்தச்  சட்டம்  சொல்கிறது….?

“மலேசியன்  என்ற  முறையில்  எம்எச்17-இன்  சிதைவுகள் மலேசியாவுக்குக்  கொண்டுவரப்பட  வேண்டும்  என்று
கோருகிறேன். அது மலேசியாவின்  உரிமை”.

அதில் பலியானவர்களின் உறவினர்கள்  இழப்பீடுக்காக  வழக்கு  தொடுப்பது  மலேசியாமீதுதான்  என்பதையும்  அவர்  சுட்டிக்காட்டினார்.