நான்கு  மாதங்களாக  நடக்காத  பக்கத்தான்  ரக்யாட்  தலைமைத்துவ  மன்றக்  கூட்டத்தை  நாளை  நடத்தத்  திட்டமிடப்பட்டுளது. ஆனால்  கூட்டத்துக்கு  வருவாரா,  மாட்டாரா  என்பதை. பாஸ்  தலைவர்  அப்துல்  ஹாடி   ஆவாங்  இன்னமும்  உறுதிப்படுத்தவில்லை.

தாம்  பள்ளி மாணவன்  அல்ல  என்றும்  கூட்டத்தில்  கலந்துகொள்ளுமாறு  யாரும்  தம்மைக்  கட்டாயப்படுத்த  முடியாது  என்றும்  அவர்  கூறியதாக  ஹராகாடெய்லி  அறிவித்துள்ளது.

“நான்  கலந்துகொள்வதா,  கூடாதா  என  முடிவெடுக்கும்  உரிமை அவர்களுக்கு (டிஏபி) இல்லை. போவதும்  போகாததும்  என்னைப்  பொறுத்தது.”, என்றாரவர்.

ஆனால், டிஏபி, ஹாடி கூட்டத்துக்கு  வரவேண்டும்  என்பதை ஒரு  முன்நிபந்தனையாக்கியுள்ளது. ஹாடி  வரவில்லை  என்றால்  தானும் கலந்துகொள்ளப்  போவதில்லை  என்று  அது  பிடிவாதம்  பிடிக்கிறது.