நேற்று  பிற்பகல், சுமார்  20  பெர்னாமா  டிவி பணியாளர்கள்  தங்களுக்குக்  கொடுபடாமல்  இருக்கும்  சம்பளத்துக்குக்  கோரிக்கை  விடுத்து வங்சா  மாஜுவில்  அமைதியான  முறையில்  கண்டனக்  கூட்டமொன்றை  நடத்தினர்.
அவர்கள் கைகளில்  பதாகைகளையும்  ஏந்தியிருந்தனர். அதில்  ஒன்று ‘Mana Shabery’- தொடர்பு, பல்லூடக  அமைச்சர்  அஹ்மட்  ஷபரி  சிக்  எங்கே என  வினவியது.

சம்பளம்  கொடுக்க  முடியவில்லை  என்பதால்  சுமார்  140  பணியாளர்களை  விடுப்பில்  செல்லுமாறு  பெர்னாமா டிவி  கேட்டுக்கொண்டது.

கடைசியாக  அவர்களுக்குச்  சம்பளம்  கொடுக்கப்பட்டது  டிசம்பர்  24-இல்.

பெர்னாமா  டிவி,  பெர்னாமா  டிவி  சைனர்ஜி-க்குச்  சொந்தமான  நிறுவனம். அதில் 33  விழுக்காட்டுப்  பங்கை  பெர்னாமா  வைத்துள்ளது. மிச்சத்தைத்  தனியார்  பங்குதாரர்கள்  வைத்திருக்கிறார்கள்.