எதிரணித் தலைவர் அன்வார் இப்ராகிம் சிறைக்கு அனுப்பப்பட்டாலும் அவரின் ஆதரவாளர்கள் அவரைக் கைவிடவில்லை. நேற்றிரவு அவரின் ஆதரவாளர்கள் தங்களின் ஆதரவைத் தெரிவிக்க சுங்கை பூலோ சிறைச்சாலைக்குமுன் ஒன்று திரண்டனர்.
பதாதைகளையும் மெழுகுதிரிகளையும் கையில் ஏந்தியிருந்த அவர்கள், உரத்த குரலில் “ரீபோர்மாசி”, “பேபாஸ் அன்வார்(அன்வாரை விடுவிப்பீர்)” என உற்சாகமாக முழக்கமிட்டனர்.
“இன்னும் உரக்க, உங்கள் குரல் அன்வாருக்குக் கேட்கட்டும்” என்று பிகேஆர் இளைஞர் தலைவர் நிக் நஸ்மி நிக் மாட் அவர்களை முடுக்கி விட்டார்.
இரவு ஒன்பது மணி அளவில் அங்கு திரண்டுவந்த அன்வார் ஆதரவாளர்கள் இரண்டு மணி நேரம் அங்கு கூடிநின்று பின்னர் கலைந்து சென்றனர்.
