தெலுக் இந்தான் நாடாளுமன்ற உறுப்பினர் Y.B. எம். மனோகரன் தமிழ்ப்பள்ளி குறித்து மக்களவையில் நேற்று (02.11.2011) கேள்வியெழுப்பினார். மனோகரன்  கல்வி அமைச்சரிடம் எழுப்பிய வாய்மொழியான கேள்விகளும் அக்கேள்விகளுக்கு கல்வி அமைச்சர் முகைதின் யாசின் அளித்த பதில்களும் பின்வருமாறு:

கேள்வி :

1. 1960 தொடக்கம் 2011-ம் ஆண்டு வரை நாட்டின் தமிழ்ப்பள்ளிகளில் பதிவு செய்யப்பட்ட மாணவர்களின் எண்ணிக்கையும் மாணவர் அதிகரிப்பின் சதவீதமும் அதன் காலவரையறையும் என்ன?

2. 1960-ம் ஆண்டிலிருந்து இன்றுவரை எத்தனை பள்ளிகள் புதிதாக அமைக்கப்பட்டுள்ளன / மறுசீரமைக்கப்பட்டுள்ளன?

பதில் :

மேன்மைதங்கிய மக்களவையின் கவனத்திற்கு. மதிப்புக்குரிய நாடாளுமன்ற உறுப்பினர் Y.B. மனோகரன் அவர்களின் வாய்மொழியான கேள்விக்கு 1960-ம் ஆண்டு முதல் இன்று வரை மாணவர்கள் சேர்க்கை குறித்த புள்ளி விவரங்களை ஒப்பிட்டுக் கூறுவது கடினமான ஒன்றாகும். இருப்பினும் ஏறத்தாழ ஜுன் 2011 வரை நாட்டின் தமிழ்ப்பள்ளி மாணவர்களின் மொத்த எண்ணிக்கை 102,412 ஆகும். 2010-ல் 106,221 மாணவர்களும் 2009-ல் 108,867 மாணவர்களும் ஆகும்.

2. 1960 இருந்து இன்றுவரை 523 தமிழப்பள்ளிகள் நாடுமுழுவதும் இருந்து வருகின்றன. இவற்றில் 3 பள்ளிகள் வேறு இடத்திற்கு மாற்றலாகி செல்வதால் புதியப் பள்ளிகள் உருவாக்கப்படுவது அதிகரிக்கப்பட்டுள்ளது.

எடுத்துக்காட்டாக, தேசிய மாதிரி ஆரம்பத் தமிழ்ப்பள்ளி கோலா திரலா, கேமரன் மலையில் 2002-ல் கட்டப்பட்டது. இங்குள்ள இந்திய சமூகத்தின் தேவையைக் கருத்தில் கொண்டு இதுவரை அரசாங்கம் 17 புதிய கட்டடங்கள் நாடு முழுவதும் கட்டியுள்ளது.

கெடாவில் அமைந்துள்ள தேசிய மாதிரி ஆரம்பத் தமிழப்பள்ளி பாய பெசாரில் புதிய கட்டடத்தைக் கட்டுவதற்குத் திட்டமிடப்பட்டுள்ளது.